ಬೆಂಗಳೂರಿಗೆ ನಾನೇ ಡಾನ್ ಎಂದ ಕೊಹ್ಲಿ!
ಬೆಂಗಳೂರಿನಲ್ಲಿ ಕೊಹ್ಲಿಗೆ ಅಭಿಮಾನಿಗಳ ದಂಡೇ ಇದೆ. ಬಹುಶಃ ತವರು ದೆಹಲಿಯಲ್ಲೂ ಕೊಹ್ಲಿಗೆ ಇಷ್ಟು ಆರಾಧಕರು ಇಲ್ಲವೇನೋ ಎನ್ನುವಷ್ಟು ಇಲ್ಲಿನ ಮಂದಿ ಅವರನ್ನು ಪ್ರೀತಿಸುತ್ತಾರೆ.
ಇದನ್ನು ಕೊಹ್ಲಿ ಮತ್ತೆ ಸಾಬೀತುಪಡಿಸಿದ್ದಾರೆ. ನಿನ್ನೆಯ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿಯದ್ದೇ ದರ್ಬಾರ್. ಬ್ಯಾಟಿಂಗ್ ನಲ್ಲಿ ಸಿಡಿದ ಕೊಹ್ಲಿ 44 ಎಸೆತಗಳಿಂದ 61 ರನ್ ಗಳಿಸಿದರು. ಬೆಂಗಳೂರಿನಲ್ಲಿ ನಡೆದ ಕಳೆದ ಪಂದ್ಯದಲ್ಲೂ ಕೊಹ್ಲಿ ಅಬ್ಬರಿಸಿದ್ದರು. ವಿಶೇಷವೆಂದರೆ ಲಕ್ನೋ ನಾಯಕ ರಾಹುಲ್ ಗೆ ಇದು ತವರಿನ ಅಂಗಣ. ಆದರೆ ರಾಹುಲ್ ರನ್ನೂ ಮೀರಿಸುವಂತೆ ಕೊಹ್ಲಿ ಬ್ಯಾಟಿಂಗ್ ಮಾಡಿದ್ದು, ಬೆಂಗಳೂರಿಗೆ ನಾನೇ ಡಾನ್ ಎಂದು ಸಾರಿದ್ದಾರೆ.
