ಕೆಎಲ್ ರಾಹುಲ್ ಸಲಹೆಯಿಂದ ಟೀಂ ಇಂಡಿಯಾ ಕೋಚ್ ಹುದ್ದೆಗೆ ಸ್ಪರ್ಧಿಸದಿರಲು ತೀರ್ಮಾನಿಸಿದ ಜಸ್ಟಿನ್ ಲ್ಯಾಂಗರ್
ಆದರೆ ಲ್ಯಾಂಗರ್ ಸ್ಪರ್ಧಿಸದೇ ಇರಲು ತೀರ್ಮಾನಿಸಿದ್ದಾರಂತೆ. ಇದಕ್ಕೆ ಕಾರಣ ಕೆಎಲ್ ರಾಹುಲ್ ನೀಡಿದ ಸಲಹೆ ಕಾರಣ ಎಂದು ಸ್ವತಃ ಲ್ಯಾಂಗರ್ ಬಹಿರಂಗಪಡಿಸಿದ್ದಾರೆ. ಅವರ ಈ ಹೇಳಿಕೆ ಈಗ ಸಂಚಲನ ಮೂಡಿಸಿದೆ. ಕೆಎಲ್ ರಾಹುಲ್ ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗುವ ಸಾಧ್ಯತೆಯೂ ಇದೆ.
ಟೀಂ ಇಂಡಿಯಾ ಕೋಚ್ ಹುದ್ದೆಗೆ ಅರ್ಜಿ ಹಾಕಲು ಯೋಚಿಸಿದ್ದೆ. ಈ ಬಗ್ಗೆ ಕೆಎಲ್ ರಾಹುಲ್ ಬಳಿ ಚರ್ಚಿಸಿದೆ. ಆಗ ಅವರು ‘ನಿಮಗೆ ಐಪಿಎಲ್ ನಲ್ಲಿ ಒಂದು ಫ‍್ರಾಂಚೈಸಿ ಪರ ಕೋಚ್ ಆಗಿ ಕೆಲಸ ಮಾಡಲು ಎಷ್ಟು ಒತ್ತಡವಿರುತ್ತದೋ, ಟೀಂ ಇಂಡಿಯಾ ಕೋಚ್ ಆದರೆ ಅದರ ಸಾವಿರಪಟ್ಟು ರಾಜಕೀಯ ಒತ್ತಡಗಳಿರುತ್ತವೆ’ ಎಂದು ಹೇಳಿದರು. ಅವರು ಆ ರೀತಿ ಹೇಳಿದ ಮೇಲೆ ನಾನು ಅರ್ಜಿ ಹಾಕುವುದು ಬೇಡ ಎಂದು ತೀರ್ಮಾನಿಸಿದೆ ಎಂದಿದ್ದಾರೆ.
ರಾಹುಲ್ ಸಲಹೆ ಈಗ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಯಾಗುತ್ತಿದೆ. ಈ ಮೂಲಕ ಬಿಸಿಸಿಐನಲ್ಲಿ ಮತ್ತು ಟೀಂ ಇಂಡಿಯಾ ಆಯ್ಕೆ ವಿಚಾರದಲ್ಲಿ ರಾಜಕೀಯ ಒತ್ತಡವಿರುತ್ತದೆ ಎಂದು ರಾಹುಲ್ ಪರೋಕ್ಷವಾಗಿ ಹೇಳಿದಂತಾಗಿದೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.
