ಅತಿಯಾದ ನಿರೀಕ್ಷೆ ಮಯಾಂಕ್ ಅಗರ್ವಾಲ್ ವೃತ್ತಿಗೆ ಮಾರಕವಾಗದಿರಲಿ
ಆದರೆ ಈ ಅತಿಯಾದ ಹೊಗಳಿಕೆ, ನಿರೀಕ್ಷೆಗಳಲ್ಲಿ ಮಯಾಂಕ್ ಕೂಡಾ ಮಂಕು ಬಡಿದವರಂತಾಗದೇ ಇದ್ದರೆ ಸಾಕು ಎಂಬುದೇ ಕ್ರಿಕೆಟ್ ಅಭಿಮಾನಿಗಳ ಪ್ರಾರ್ಥನೆ. ಯಾವುದೇ ಆಟಗಾರನಿಗೂ ಉತ್ತಮವಾಗಿ ಆಡಬೇಕೆಂದರೆ ಒತ್ತಡದ ಗಂಟು ಬೆನ್ನ ಮೇಲೆ ಇರಬಾರದು. ಅದು ಮಯಾಂಕ್ ಗೂ ಇರಲಿ. ಯಾಕೆಂದರೆ ಅವರಿನ್ನೂ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ತಳವೂರುತ್ತಿದ್ದಾರೆ. ಈಗಲೇ ಅತಿಯಾದ ನಿರೀಕ್ಷೆಯ ಭಾರ ಹೊರಿಸಿದರೆ ಅದನ್ನು ಹೊರುವುದು ಅವರಿಗೆ ಕಷ್ಟವಾಗಬಹುದು ಎಂಬುದನ್ನು ನಾವು ಮರೆಯುವಂತಿಲ್ಲ.
