ಮೈದಾನದಲ್ಲಿ ಟಿಮ್ ಪೇಯ್ನ್ ಜತೆ ಕಿತ್ತಾಟ, ಹೊರಗೆ ಅವರ ಮಕ್ಕಳ ಜತೆ ಆಟ: ಇದು ರಿಷಬ್ ಪಂತ್ ವರಸೆ!

ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆಯುತ್ತಿರುವ ಟೆಸ್ಟ್ ಸರಣಿಯಲ್ಲಿ ಮೈದಾನದಲ್ಲಿ ಆಸೀಸ್ ನಾಯಕ ಟಿಮ್ ಪೇಯ್ನ್ ಮತ್ತು ಭಾರತದ ವಿಕೆಟ್ ಕೀಪರ್ ರಿಷಬ್ ಪಂತ್ ನಡುವೆ ನಡೆಯುವ ರಸವತ್ತಾದ ಕಿತ್ತಾಟದ ಬಗ್ಗೆ ಎಲ್ಲರೂ ಓದಿರುತ್ತೀರಿ.

ಆದರೆ ಮೈದಾನದಲ್ಲಿ ಇಬ್ಬರೂ ಒಬ್ಬರ ಕಾಲೆಳೆದುಕೊಂಡು ಕಿತ್ತಾಡುವ ಈ ಆಟಗಾರರು ಮೈದಾನದಿಂದ ಹೊರಗೆ ಬಂದ ಮೇಲೆ ಅಂತಹ ಭಾವನೆ ಹೊಂದಿಲ್ಲ ಎಂಬುದಕ್ಕೆ ಸಾಕ್ಷಿ ಎಂಬಂತೆ ಟಿಮ್ ಪತ್ನಿ ರಿಷಬ್ ಜತೆಗೆ ತಮ್ಮ ಮಕ್ಕಳು ಆಡುತ್ತಿರುವ ಫೋಟೋ ಒಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.

ಆಸ್ಟ್ರೇಲಿಯಾ ಪ್ರಧಾನಿ ಭಾರತ ಮತ್ತು ಆಸ್ಟ್ರೇಲಿಯಾ ಆಟಗಾರರಿಗೆ ನಿನ್ನೆ ಔತಣ ಕೂಟ ಏರ್ಪಡಿಸಿದ್ದರು. ಈ ಔತಣಕೂಟಕ್ಕೆ ಎರಡೂ ತಂಡಗಳ ಆಟಗಾರರು ಕುಟುಂಬ ಸಮೇತ ಭಾಗವಹಿಸಿದ್ದರು.

ಈ ವೇಳೆ ರಿಷಬ್ ಜತೆಗೆ ಟಿಮ್ ಮಕ್ಕಳು ತುಂಟಾಟವಾಡುವ ಫೋಟೋವನ್ನು ಬೋನೀ ಪೇಯ್ನ್ ಪ್ರಕಟಿಸಿದ್ದಾರೆ. ಈ ವೇಳೆ ಬೋನಿ ಕೂಡಾ ರಿಷಬ್ ಜತೆಗೆ ಪೋಸ್ ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ