ಟೀಂ ಇಂಡಿಯಾ ವಿಶ್ವಕಪ್ ಪಂದ್ಯಕ್ಕೆ ತಪ್ಪದೇ ಹಾಜರಾಗುವ ಪತ್ನಿಯರು

Photo Courtesy: Twitter

ಅಹಮ್ಮದಾಬಾದ್: ಈ ಏಕದಿನ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯುದ್ದಕ್ಕೂ ಟೀಂ ಇಂಡಿಯಾ ಕ್ರಿಕೆಟಿಗರಷ್ಟೇ ಅವರ ಪತ್ನಿಯರ ಪ್ರತಿಕ್ರಿಯೆಗಳೂ ಎಲ್ಲರ ಗಮನ ಸೆಳೆಯುತ್ತಿದೆ.

ಪ್ರತೀ ಪಂದ್ಯಕ್ಕೆ ಹೆಚ್ಚಿನ ಕ್ರಿಕೆಟಿಗರ ಪತ್ನಿಯರೂ ಬಾಲ್ಕನಿಯಲ್ಲಿ ಕುಳಿತು ತನ್ನ ಪತಿ ಮತ್ತು ಇತರೆ ಕ್ರಿಕೆಟಿಗರ ಸಾಧನೆಗೆ ಬೆಂಬಲವಾಗಿ ನಿಲ್ಲುತ್ತಾರೆ. ಹೀಗಾಗಿ ಟೀಂ ಇಂಡಿಯಾ ಆಡುವ ಪ್ರತೀ ಮ್ಯಾಚ್ ಈಗ ಫ್ಯಾಮಿಲಿ ಈವೆಂಟ್ ಆಗಿದೆ!

ರೋಹಿತ್ ಶರ್ಮಾ ಪತ್ನಿ ರಿತಿಕಾ, ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ, ರವೀಂದ್ರ ಜಡೇಜಾ ಪತ್ನಿ ರಿವಾಬ, ರವಿಚಂದ್ರನ್ ಅಶ್ವಿನ್ ಪತ್ನಿ ಪ್ರೀತಿ ಬಹುತೇಕ ಎಲ್ಲಾ ಪಂದ್ಯಗಳ ವೇಳೆಯೂ ಮೈದಾನದಲ್ಲಿದ್ದರು. ಇನ್ನು, ಮುಂಬೈನಲ್ಲಿ ಪಂದ್ಯವಿದ್ದಾಗ ಕೆಎಲ್ ರಾಹುಲ್ ಪತ್ನಿ ಅಥಿಯಾ, ಶುಬ್ಮನ್ ಗಿಲ್ ಪೋಷಕರು ಮೈದಾನದಲ್ಲಿದ್ದು ಚಿಯರ್ ಮಾಡಿದ್ದರು. ವಿಶೇಷವೆಂದರೆ ಕೇವಲ ತಮ್ಮ ಪತಿ ಕ್ಯಾಚ್ ಪಡೆದಾಗ, ವಿಕೆಟ್ ಕಿತ್ತಾಗ ಇಲ್ಲವೇ ಶತಕ ಸಿಡಿಸಿದಾಗ ಮಾತ್ರವಲ್ಲ, ಸಹ ಆಟಗಾರರ ಸಾಧನೆಗಳಿಗೂ ಇತರೆ ಕ್ರಿಕೆಟಿಗರ ಪತ್ನಿ, ಕುಟುಂಬದವರು ಸಂಭ್ರಮಿಸುತ್ತಿರುವುದು ವಿಶೇಷ. ಇದೀಗ ಫೈನಲ್ ಪಂದ್ಯ ಅಹಮ್ಮದಾಬಾದ್ ನಲ್ಲಿ ನಡೆಯಲಿದ್ದು, ಈ ಪಂದ್ಯಕ್ಕೂ ಕ್ರಿಕೆಟಿಗರ ಪತ್ನಿಯರು ಆಗಮಿಸುವ ನಿರೀಕ್ಷೆಯಿದೆ.