ಆಸ್ಟ್ರೇಲಿಯಾ ಏಕದಿನದಲ್ಲಿ ಟೀಂ ಇಂಡಿಯಾಕ್ಕೆ ರೆಟ್ರೋ ಜೆರ್ಸಿ

ಸಿಡ್ನಿ: ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಮತ್ತು ಟಿ20 ಕ್ರಿಕೆಟ್ ಆಡಲಿರುವ ಟೀಂ ಇಂಡಿಯಾ ಹೊಸ ವಿನ್ಯಾಸದ ಜೆರ್ಸಿಯಲ್ಲಿ ಮಿಂಚಲಿದೆ ಎಂಬ ಸುದ್ದಿ ಬಂದಿದೆ.

ಟೀಂ ಇಂಡಿಯಾ ಕ್ರಿಕೆಟಿಗರು ರೆಟ್ರೋ ಜೆರ್ಸಿ ತೊಡಲಿದ್ದಾರೆ ಎನ್ನಲಾಗುತ್ತಿದೆ. 1992 ರ ಕಾಲಘಟ್ಟದಲ್ಲಿ ಟೀಂ ಇಂಡಿಯಾ ಕ್ರಿಕೆಟಿಗರು ತೊಡುತ್ತಿದ್ದ ಜೆರ್ಸಿಯನ್ನೇ ಹೋಲುವಂತಹ ಹಳೆಯ ಕಾಲದ ಜೆರ್ಸಿ ತೊಡಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಈಗಾಗಲೇ ಕ್ರಿಕೆಟಿಗರು ಆಸ್ಟ್ರೇಲಿಯಾಕ್ಕೆ ತೆರಳುವಾಗಿ ಪಿಪಿಇ ಕಿಟ್ ಮಾದರಿಯ ಡ್ರೆಸ್ ತೊಟ್ಟು ಗಮನ ಸೆಳೆದಿದ್ದರು. ಟೀಂ ಇಂಡಿಯಾದ ಕಿಟ್ ಸ್ಪಾನ್ಸರ್ ಇತ್ತೀಚೆಗಷ್ಟೇ ಎಂಪಿಎಲ್ ಪಡೆದಿತ್ತು. ಪ್ರಾಯೋಜಕರ ಬದಲಾವಣೆಯೊಂದಿಗೆ ಜರ್ಸಿ ವಿನ್ಯಾಸವೂ ಬದಲಾಗಿದೆ ಎನ್ನಲಾಗಿದೆ.