ವಿರಾಟ್ ಕೊಹ್ಲಿ, ಗೌತಮ್ ಗಂಭೀರ್ ನಡುವೆ ಏನಾಗಿದೆ, ಇಲ್ಲಿದೆ ಅಸಲಿ ವಿಡಿಯೋ

ಮುಂಬೈ: ಟೀಂ ಇಂಡಿಯಾ ನೂತನ ಕೋಚ್ ಗೌತಮ್ ಗಂಭೀರ್ ಮತ್ತು ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ನಡುವೆ ಈ ಹಿಂದೆ ನಡೆದಿದ್ದ ಕಿತ್ತಾಟಗಳೆಲ್ಲಾ ಎಲ್ಲರಿಗೂ ಗೊತ್ತೇ ಇದೆ. ಈಗಲೂ ಅದೇ ಮುಂದುವರಿದೆಯಾ ಎಂಬ ಅನುಮಾನಗಳಿಗೆ ಇಬ್ಬರೂ ಸ್ಪಷ್ಟನೆ ನೀಡಿದ್ದಾರೆ.

ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಗೆ ಮುನ್ನ ಬಿಸಿಸಿಐ ಇಬ್ಬರನ್ನೂ ಜೊತೆಯಾಗಿ ಕೂರಿಸಿಕೊಂಡು ಸಂದರ್ಶನ ಮಾಡಿಸಿದ್ದು, ವಿಡಿಯೋ ಹಂಚಿಕೊಂಡಿದೆ. ಈ ಮೂಲಕ ನಾವಿಬ್ಬರೂ ನಮ್ಮ ನಡುವಿನ ಎಲ್ಲಾ ಮಸಾಲಾ ಸುದ್ದಿಗಳಿಗೆ ಬ್ರೇಕ್ ಹಾಕುತ್ತಿದ್ದೇವೆ ಎಂದು ಇಬ್ಬರೂ ನಗು ನಗುತ್ತಾ ಪರಸ್ಪರ ಸಂದರ್ಶನ ಮಾಡಿಕೊಂಡಿದ್ದಾರೆ.

ಈ ವಿಡಿಯೋದಲ್ಲಿ ವಿರಾಟ್, ಮೈದಾನದಲ್ಲಿ ನೀವು ಎದುರಾಳಿಗಳ ಜೊತೆ ಮಾತಿನ ಚಕಮಕಿ ನಡೆಸಿದ ಮೇಲೆ ಅದನ್ನು ಅಲ್ಲಿಗೇ ಬಿಡುತ್ತೀರೋ ಅಥವಾ ಮುಂದುವರಿಸುತ್ತೀರೋ ಎಂದು ಗಂಭೀರ್ ಗೆ ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ಕೊಹ್ಲಿ ಕಾಲೆಳೆದ ಗಂಭೀರ್ ಅಂದರೆ ಪರೋಕ್ಷವಾಗಿ ನೀವು ನಮ್ಮ ಕಿತ್ತಾಟಗಳ ಬಗ್ಗೆ ಕೇಳುತ್ತಿದ್ದೀರಿ ಎಂದು ನಕ್ಕಿದ್ದಾರೆ.

ಐಪಿಎಲ್ ಸಂದರ್ಭಗಳಲ್ಲಿ ಇವರಿಬ್ಬರ ನಡುವೆ ನಡೆದ ಮಾತಿನ ಚಕಮಕಿಗಳು ಎಲ್ಲರಿಗೂ ಗೊತ್ತೇ ಇದೆ. ಆದರೆ ಗಂಭೀರ್ ಕೋಚ್ ಆಗುತ್ತಿದ್ದಂತೇ ಕೊಹ್ಲಿ ಜೊತೆ ಹೊಂದಾಣಿಕೆ ಹೇಗಿರಬಹುದೋ ಎಂಬ ಅನುಮಾನ ಎಲ್ಲರಿಗೂ ಇತ್ತು. ಆದರೆ ಈ ಸಂದರ್ಶನ ಎಲ್ಲರ ಅನುಮಾನಗಳನ್ನು ಪರಿಹರಿಸಬಹುದೇನೋ. ಸಂದರ್ಶನದ ವಿಡಿಯೋ ಲಿಂಕ್ ಇಲ್ಲಿದೆ ನೋಡಿ. 

https://www.bcci.tv/video/5563305/a-legendary-exchange-understanding-how-great-minds-operate-ft-gautam-gambhir--virat-kohli

When an unstoppable force meets an immovable object—cricket’s greatest paradox, personified! ???? ????

Presenting an iconic interaction between #TeamIndia Head Coach @GautamGambhir & the legendary @imVkohli ???? ???? - By @RajalArora & @Moulinparikh#INDvBAN | @IDFCFIRSTBank

— BCCI (@BCCI) September 18, 2024