ಸೆಮಿಫೈನಲ್ ನಲ್ಲಿ ಟೀಂ ಇಂಡಿಯಾದ ಬೆಸ್ಟ್ ಫೀಲ್ಡರ್ ಪದಕ ಗೆದ್ದವರು ಯಾರು?
ಈ ಪಂದ್ಯದಲ್ಲಿ ಟೀಂ ಇಂಡಿಯಾ ಆರಂಭಿಕ ಹಂತದಲ್ಲಿ ಕೆಲವು ಕ್ಯಾಚ್ ಕೈ ಬಿಟ್ಟು ಫೀಲ್ಡಿಂಗ್ ನಲ್ಲಿ ಕೊಂಚ ತಡಬಡಾಯಿಸಿತ್ತು. ಹಾಗಿದ್ದರೂ ಅಂತಿಮ ಓವರ್ ಗಳಲ್ಲಿ ಭಾರತೀಯ ಕ್ರಿಕೆಟಿಗರು ಅದ್ಭುತ ಫೀಲ್ಡಿಂಗ್ ಮಾಡಿದ್ದರು.
ವಾಡಿಕೆಯಂತೆ ಈ ಪಂದ್ಯದ ಬೆಸ್ಟ್ ಫೀಲ್ಡರ್ ಯಾರು ಎಂಬುದನ್ನು ಕೋಚ್ ದಿಲೀಪ್ ಘೋಷಣೆ ಮಾಡಿದ್ದಾರೆ. ಈ ಬಾರಿ ರವೀಂದ್ರ ಜಡೇಜಾ ಬೆಸ್ಟ್ ಫೀಲ್ಡರ್ ಅವಾರ್ಡ್ ಪಡೆದಿದ್ದಾರೆ. ಮಹತ್ವದ ಸಂದರ್ಭದಲ್ಲಿ ಎರಡು ಕ್ಯಾಚ್ ಪಡೆದು ಜಡೇಜಾ ಪಂದ್ಯಕ್ಕೆ ಟ್ವಿಸ್ಟ್ ನೀಡಿದ್ದರು. ಹೀಗಾಗಿ ಅವರಿಗೆ ಈ ಬಾರಿಯ ಬೆಸ್ಟ್ ಫೀಲ್ಡರ್ ಪದಕ ಸಂದಾಯವಾಗಿದೆ.
