ಡಬ್ಲ್ಯುಪಿಎಲ್: ಕೊನೆಯ ಪಂದ್ಯದಲ್ಲಿ ಬ್ಯಾಟಿಂಗ್ ನಲ್ಲಿ ಎಡವಿದ ಆರ್ ಸಿಬಿ
ಪ್ರಬಲ ಮುಂಬೈ ವಿರುದ್ಧ ಕಳೆದ ಪಂದ್ಯದಲ್ಲಿ ಆರ್ ಸಿಬಿ ಹೀನಾಯ ಸೋಲುಂಡಿತ್ತು. ಇಂದಿನ ಪಂದ್ಯ ಗೆದ್ದರೂ ಸೋತರೂ ಆರ್ ಸಿಬಿ ಮುಂದಿನ ಹಂತಕ್ಕೆ ತೇರ್ಗಡೆಯಾಗದು. ಹೀಗಾಗಿ ಇದು ಒಂದು ಔಪಚಾರಿಕ ಪಂದ್ಯವಷ್ಟೇ.
ಕಳೆದ ಪಂದ್ಯದಲ್ಲಿ 99 ರನ್ ಚಚ್ಚಿದ್ದ ಸೋಫಿ ಡಿವೈನ್ ಇಂದು ಶೂನ್ಯಕ್ಕೆ ನಿರ್ಗಮಿಸಿದ್ದು ಆರ್ ಸಿಬಿಗೆ ಹೊಡೆತ ಬಿತ್ತು. ನಾಯಕಿ ಸ್ಮೃತಿ ಮಂಧನಾ 24 ರನ್ ಗಳ ಕೊಡುಗೆ ನೀಡಿದರು. ಅನುಭವಿ ಎಲ್ಸೆ ಪೆರಿ 29 ರನ್ ಗಳಿಸಿದರು. ರಿಚಾ ಘೋಷ್ ಎಂದಿನಂತೇ ಬಿರುಸಿನ ಆಟವಾಡಿ 29 ರನ್ ಗಳಿಸಿದರು. ಮುಂಬೈಯಂತಹ ಪ್ರಬಲ ತಂಡಕ್ಕೆ ಆರ್ ಸಿಬಿ ಬೌಲರ್ ಗಳು ಅಂಕುಶ ಹಾಕಲು ಯಶಸ್ವಿಯಾಗುತ್ತಾರಾ ನೋಡಬೇಕು.
