ಸಕ್ಲೇನ್ ಮುಷ್ತಾಕ್ ಗೆ ವಿನೂತನ ಶೈಲಿಯಲ್ಲಿ ಜನ್ಮ ದಿನ ಶುಭಾಷಯ ತಿಳಿಸಿದ ವೀರೇಂದ್ರ ಸೆಹ್ವಾಗ್
ಗುರುವಾರ, 29 ಡಿಸೆಂಬರ್ 2016 (18:54 IST)
ನವದೆಹಲಿ: ತಮ್ಮ ಆಪ್ತರಿಗೆ ವಿಶಿಷ್ಟವಾಗಿ ಟ್ವಿಟರ್ ನಲ್ಲಿ ಜನ್ಮ ದಿನದ ಶುಭಾಷಯ ತಿಳಿಸುವುದರಲ್ಲಿ ವೀರೇಂದ್ರ ಸೆಹ್ವಾಗ್ ಎಕ್ಸ್ ಪರ್ಟ್. ಈ ಬಾರಿ ಅವರಿಂದ ವಿಶಿಷ್ಟವಾಗಿ ಶುಭಾಷಯ ಹೇಳಿಸಿಕೊಂಡಿದ್ದು, ಪಾಕಿಸ್ತಾನ ಸ್ಪಿನ್ನರ್ ಸಕ್ಲೇನ್ ಮುಷ್ತಾಕ್.
2009 ರಲ್ಲಿ ಮುಲ್ತಾನ್ ಟೆಸ್ಟ್ ನಲ್ಲಿ ಸೆಹ್ವಾಗ್ ತ್ರಿಶತಕ ಭಾರಿಸಿದ್ದು ಎಲ್ಲರಿಗೂ ನೆನಪಿರುತ್ತದೆ. ಆ ಪಂದ್ಯದಲ್ಲಿ ಸಕ್ಲೇನ್ ಮುಷ್ತಾಕ್ ಬೌಲಿಂಗ್ ನಲ್ಲಿ ಸಿಕ್ಸ್ ಹೊಡೆದು ಸೆಹ್ವಾಗ್ ತ್ರಿಶತಕ ಪೂರೈಸಿದ್ದರು. ಆ ನಂತರ ಇಬ್ಬರೂ ಫ್ರೆಂಡ್ಸ್ ಆಗಿದ್ದುಯಾವಾಗ ಎಂದು ಗೊತ್ತಿಲ್ಲ.
ಆದರೆ ಸೆಹ್ವಾಗ್ ಗೆ ಈ ನೆನಪು ಯಾವತ್ತೂ ಅಳಿಯಲ್ವಂತೆ. ಅದಕ್ಕೆ ಸಕ್ಲೇನ್ ಜನುಮ ದಿನಕ್ಕೆ ಆ ಪಂದ್ಯದ ವಿಡಿಯೋವೊಂದನ್ನು ಅಪ್ ಲೋಡ್ ಮಾಡಿ ಈ ಕ್ಷಣಗಳನ್ನು ನೆನಪು ಮಾಡಿಕೊಳ್ಳಲು ಇಷ್ಟಪಡುತ್ತೇನೆ. ಹ್ಯಾಪಿ ಬರ್ತ್ ಡೇ ಫ್ರೆಂಡ್ ಎಂದಿದ್ದಾರೆ.
ಸೆಹ್ವಾಗ್ ರ ಈ ಟ್ವೀಟ್ ಗೆ ಹಲವು ಅಭಿಮಾನಿಗಳು ಪ್ರತಿಕ್ರಿಯಿಸಿದ್ದಾರೆ. ಅಂತೂ ಬಹುದಿನಗಳಿಂದ ಟ್ವಿಟರ್ ನಲ್ಲಿ ತಣ್ಣಗಿದ್ದ ಸೆಹ್ವಾಗ್ ಮತ್ತೊಮ್ಮೆ ಸುದ್ದಿ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
