ತಮ್ಮ ಮನೆಯಲ್ಲಿ ಪೂಜೆಗಿಟ್ಟಿದ್ದ ಗಣೇಶ ಮೂರ್ತಿಯ ಮುಂದೆ ಪ್ರಾರ್ಥನೆಗೆ ಕುಳಿತಿದ್ದ ಒಬ್ಬ ವಿಶೇಷ ಅತಿಥಿಯ ಪೋಟೋವನ್ನು ಟ್ವೀಟ್ ಮಾಡಿದ ಸಚಿನ್, ಗಣಪತಿ ಬಪ್ಪನ ಆಶೀರ್ವಾದ ಪಡೆದುಕೊಳ್ಳಲು ಯಾರು ಬಂದಿದ್ದಾರೆ ನೋಡಿ. ಇವರು ಯಾರೆಂಬುದನ್ನು ಊಹಿಸಿ ನೋಡೋಣ ಎಂದು ಬರೆದಿದ್ದರು.
ಕೆಲವೇ ಹೊತ್ತಿನಲ್ಲಿ ಸಚಿನ್ ರಹಸ್ಯ ಅತಿಥಿ ಯಾರೆಂದು ಬಹಿರಂಗ ಪಡಿಸಿದರು. ಅವರು ಬೇರೆ ಯಾರೂ ಅಲ್ಲ ವಿಶ್ವ ವಿಖ್ಯಾತ ಕ್ಷೇತ್ರ ರಕ್ಷಣಾಕಾರ, ಭಾರತವನ್ನು ತವರಿನಷ್ಟೇ ಪ್ರೀತಿಸುತ್ತೇನೆ ಎಂದು ಆಗಾಗ ಹೇಳುತ್ತಲೇ ಬರುತ್ತಿರುವ ಜಾಂಟಿ ರೋಡ್ಸ್ ಆಗಿದ್ದರು.
