ಕೊಹ್ಲಿ ಬ್ಯಾಟಿನಿಂದ ರನ್ ಸಿಡಿಯದಂತೆ ನಿಯಂತ್ರಿಸುವುದು ಹೇಗೆಂದು ಬೌಲರುಗಳಿಗೆ ಸುಳಿವು ಸಿಗುತ್ತಿಲ್ಲ. ಕೊಹ್ಲಿಯನ್ನು ಔಟ್ ಮಾಡುವ ಉಪಾಯಗಳು ಯಾವುದೂ ಹೊಳೆಯುತ್ತಿಲ್ಲ. ಇತ್ತೀಚಿನ ಶತಕದ ಬಳಿಕ ಕೊಹ್ಲಿಯ ಬೆಳೆಯುತ್ತಿರುವ ಪರಿ ನೋಡಿ ಬ್ಯಾಟ್ಸ್‌ಮನ್‌ಗಳು ಕೂಡ ಅಚ್ಚರಿಗೊಂಡಿದ್ದಾರೆ. ಸಾಮಾಜಿಕ ಬ್ಲಾಗಿಂಗ್ ಸೈಟ್ ಟ್ವಿಟರ್‌ನಲ್ಲಿ ಗುಜರಾತ್ ಲಯನ್ಸ್ ಬ್ಯಾಟ್ಸ್‌ಮನ್ ಆರಾನ್ ಫಿಂಚ್ ವಿರಾಟ್ ಕೊಹ್ಲಿಗೆ ''ಬ್ಯಾಟಿಂಗ್ ಎಷ್ಟೊಂದು ಸುಲಭ ಎಂದು ತೋರಿಸುವುದನ್ನು ನಿಲ್ಲಿಸಿ. ಇದರಿಂದ ಜಗತ್ತಿನ ಅನೇಕ ಬ್ಯಾಟ್ಸ್‌ಮನ್‌ಗಳು ಮುಜುಗರಪಡುವಂತಾಗಿದೆ'' ಎಂದು ಬರೆದಿದ್ದಾರೆ.
ಕೊಹ್ಲಿಗೆ ಬೌಲ್ ಮಾಡಿದ ಬೌಲರುಗಳು ಈಗಾಗಲೇ ತಮ್ಮ ಅಸಹಾಯಕತೆ ತೋಡಿಕೊಂಡು ಹೇಗೆ ಬೌಲಿಂಗ್ ಮಾಡಬೇಕೆನ್ನುವುದೇ ತೋಚುತ್ತಿಲ್ಲ ಎಂದಿದ್ದರು. ದೆಹಲಿ ಬ್ಯಾಟ್ಸ್‌ಮನ್ ಐಪಿಎಲ್‌ನಲ್ಲಿ 865 ರನ್ ಸ್ಕೋರ್ ಮಾಡಿದ್ದು, ತನ್ನ ಸಹಆಟಗಾರ ಡಿವಿಲಿಯರ್ಸ್ ಅವರಿಗಿಂತ 268 ರನ್ ಮುಂದಿದ್ದಾರೆ.
