ಆಕ್ಲೆಂಡ್: ಇತ್ತೀಚೆಗಿನ ದಿನಗಳಲ್ಲಿ ಅದ್ಭುತ ಫಾರ್ಮ್ ಪ್ರದರ್ಶಿಸುತ್ತಿರುವ ಟೀಂ ಇಂಡಿಯಾ ಕ್ರಿಕೆಟಿಗ ಕೆಎಲ್ ರಾಹುಲ್ ತಮ್ಮ ಯಶಸ್ಸಿನ ಮಂತ್ರವೇನೆಂದು ಬಹಿರಂಗಪಡಿಸಿದ್ದಾರೆ.
ನ್ಯೂಜಿಲೆಂಡ್ ವಿರುದ್ಧ ದ್ವಿತೀಯ ಟಿ20 ಪಂದ್ಯದಲ್ಲಿ ಪಂದ್ಯ ಪುರುಷ ಪ್ರಶಸ್ತಿ ಪಡೆದ ಬಳಿಕ ಮಾತನಾಡಿದ ಕೆಎಲ್ ರಾಹುಲ್ ತನ್ನ ಇತ್ತೀಚೆಗಿನ ಯಶಸ್ಸಿನ ಬಗ್ಗೆ ಏನು ಹೇಳಬೇಕೆಂದು ನನಗೇ ಗೊತ್ತಾಗುತ್ತಿಲ್ಲ ಎಂದರು.
ಬಳಿಕ ಮಾತನಾಡಿದ ಅವರು ಸರಿಯಾದ ಶಾಟ್ ಆಯ್ಕೆ ಮತ್ತು ಬೌಲರ್ ಗಳಿಗೆ ಸರಿಯಾಗಿ ಉತ್ತರ ನೀಡಲು ಕಲಿತಿದ್ದು ನನ್ನ ಯಶಸ್ಸಿನ ಗುಟ್ಟು. ಕಳೆದ ಕೆಲವು ಪಂದ್ಯಗಳಿಂದ ಇದನ್ನು ಮಾಡುತ್ತಾ ಬಂದಿರುವುದರಿಂದ ಯಶಸ್ಸು ಪಡೆಯುತ್ತಿದ್ದೇನೆ ಎಂದಿದ್ದಾರೆ.
