ನನ್ನ ನಾಮಬಲವೊಂದೇ ಸಾಕು ಟೀಂ ಇಂಡಿಯಾ ಕೋಚ್ ಆಗಲು: ವೀರೇಂದ್ರ ಸೆಹ್ವಾಗ್
ಭಾನುವಾರ, 18 ಜೂನ್ 2017 (06:40 IST)
ನವದೆಹಲಿ: ಟೀಂ ಇಂಡಿಯಾ ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿದವರ ಪೈಕಿ ಮಾಜಿ ಸ್ಪೋಟಕ ಬ್ಯಾಟ್ಸ್ ಮನ್ ವೀರೇಂದ್ರ ಸೆಹ್ವಾಗ್ ಕೂಡಾ ಒಬ್ಬರು. ಆದರೆ ಅವರ ಅರ್ಜಿ ಎಲ್ಲರ ಕುತೂಹಲ ಕೆರಳಿಸಿತ್ತು.
ಕೇವಲ ಎರಡು ಲೈನ್ ಗಳ ನಾಮಪತ್ರ ಸಲ್ಲಿಸಿದ್ದ ಸೆಹ್ವಾಗ್ ಎಲ್ಲರ ಹುಬ್ಬೇರುವಂತೆ ಮಾಡಿದ್ದರು. ಸ್ವಲ್ಪ ವಿಸ್ತೃತವಾಗಿ ವ್ಯಕ್ತಿ ಪರಿಚಯದ ಸಮೇತ (ಸಿವಿ) ಅರ್ಜಿ ಹಾಕಿ ಎಂದು ಬಿಸಿಸಿಐಯೇ ಸೂಚಿಸಿತ್ತು. ಆದರೂ ಸೆಹ್ವಾಗ್ ಕ್ಯಾರೇ ಎಂದಿಲ್ಲ. ಅದರ ಬದಲಿಗೆ ಹೇಳಿಕೆಯೊಂದನ್ನು ನೀಡಿದ್ದಾರೆ.
‘ಮಾಧ್ಯಮಗಳಿಂದ ನನಗೆ ಈ ವಿಷಯ ಗೊತ್ತಾಯಿತು. ಒಂದು ವೇಳೆ ನಾನು ಅರ್ಜಿ ಜತೆಗೆ ಸಿವಿ ಯನ್ನೂ ಕಳುಹಿಸಬೇಕೆಂದಿದ್ದರೆ ನನ್ನ ಹೆಸರೇ ಸಾಕಾಗಿತ್ತು’ ಎಂದು ಸೆಹ್ವಾಗ್ ಹೇಳಿದ್ದಾರೆ.
