ಕೊಹ್ಲಿ ಪುತ್ರಿಯ ಇಕ್ಕಟ್ಟಿಗೆ ಸಿಲುಕಿಸಿದ ಫೋಟೋಗ್ರಾಫರ್ ಗಳಿಗೆ ನೆಟ್ಟಿಗರ ತರಾಟೆ

ಮುಂಬೈ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಯಾವುದೇ ಕಾರಣಕ್ಕೂ ತಮ್ಮ ಮಗಳು ವಮಿಕಾಳ ಮುಖದರ್ಶನ ಮಾಡಿಸಲ್ಲವೆಂದು ಹೇಳಿಕೊಂಡಿದ್ದಾರೆ. ಹಾಗಿದ್ದರೂ ಫೋಟೋಗ್ರಾಫರ್ ಗಳು ಮಾತ್ರ ವಮಿಕಾ ಬೆನ್ನು ಬಿಡುತ್ತಿಲ್ಲ.

ಇಂಗ್ಲೆಂಡ್ ಪ್ರಯಾಣ ಮಾಡುವಾಗ ಕೊಹ್ಲಿಗೆ ಜೊತೆಯಾದ ಅನುಷ್ಕಾ ಶರ್ಮಾ ಮತ್ತು ವಮಿಕಾಳ ಫೋಟೋವನ್ನು ಕ್ಲಿಕ್ಕಿಸಿದ ಫೋಟೋಗ್ರಾಫರ್ ಗಳಿಗೆ ನೆಟ್ಟಿಗರು ಮಂಗಳಾರತಿ ಮಾಡಿದ್ದಾರೆ. ಅವರಾಗೇ ನಮ್ಮ ಮಗಳ ಫೋಟೋಗಳನ್ನು ಹರಿಯಬಿಡಲು ಇಷ್ಟಪಡಲ್ಲ ಎಂದರೂ ಬೆನ್ನು ಬೀಳುತ್ತಿರುವ ಫೋಟೋಗ್ರಾಫರ್ ಗಳಿಂದ ರಕ್ಷಿಸಿಕೊಳ್ಳಲು ಅನುಷ್ಕಾ ವಮಿಕಾಳನ್ನು ತಲೆಯಿಂದ ಕಾಲಿನವರೆಗೆ ಕವರ್ ಮಾಡಿಕೊಂಡು ಎದೆಗವಚಿಕೊಂಡು ವಿಮಾನವೇರಿದ್ದಾರೆ.

ಈ ಫೋಟೋಗಳನ್ನು ನೋಡಿದ ನೆಟ್ಟಿಗರು, ನಿಮಗೆ ನಾಚಿಕೆಯಾಗಲ್ವಾ? ಪಾಪ, ಆ ಮಗುವಿಗೆ ಎಷ್ಟು ಉಸಿರುಗಟ್ಟಿರಬಹುದು? ನಿಮ್ಮ ಫೋಟೋ ಹುಚ್ಚಿಗೆ ಆ ಮಗುವಿನ ಮೇಲೆ ಅತಿಯಾಗಿ ಫ್ಲ್ಯಾಶ್ ಬೆಳಕು ಚೆಲ್ಲುತ್ತಿರುವುದೇಕೆ? ಅವರ ವೈಯಕ್ತಿಕ ಜೀವನವನ್ನು ಗೌರವಿಸಿ ಎಂದು ನೆಟ್ಟಿಗರು ತರಾಟೆಗೆ ತೆಗೆದುಕೊಂಡಿದ್ದಾರೆ.