ನೀವು ಒಬ್ಬರನ್ನು ದೇಶಕ್ಕೆ ಆಡುವಂತೆ ಮತ್ತು ಕೋಚ್ ಮಾಡುವಂತೆ ಆಮಂತ್ರಣ ನೀಡಿ ಬಳಿಕ ಯಾವುದೇ ಕಾರಣವಿಲ್ಲದೇ ಜೈಲಿಗೆ ದೂಡಿ ದೇಶದಿಂದ ಹೊರಹಾಕುವುದು ನ್ಯಾಯವಲ್ಲ. ನನ್ನನ್ನು ಏಳು ವಾರಗಳ ಕಾಲ ಜೈಲು ಕೋಣೆಯಲ್ಲಿ ಕೂಡಿಹಾಕಲು ಏನು ಮಾಡಿದ್ದೆ, ನಾನು ಸರಣಿ ಹಂತಕರು, ರೇಪಿಸ್ಟ್‌ಗಳು ಮತ್ತು ಮಾದಕ ವಸ್ತು ವ್ಯಾಪಾರಿಗಳ ಜತೆ ಒಂದೇ ಜೈಲು ಕೋಣೆಯಲ್ಲಿ ವಾಸಿಸಿದ್ದರಿಂದ ತೀವ್ರ ಆತಂಕಕ್ಕೊಳಗಾಗಿದ್ದೆ ಎಂದು ರೋಸ್ ಹೇಳಿದ್ದರು.
ರೋಸ್ ಅವರ ಮೇಲೆ 2012ರ ನವೆಂಬರ್‌ನಲ್ಲಿ ಹಲ್ಲೆ ನಡೆದ ನಂತರ ಅವರು ಆಸ್ಪತ್ರೆ ಸೇರಿದ್ದರು. ಅವರು ಗಾಯಗಳಿಂದ ಚೇತರಿಸಿಕೊಳ್ಳುವಾಗ ಅವರ ಶ್ವಾಸಕೋಶದಲ್ಲಿ ರಕ್ತಹೆಪ್ಪುಗಟ್ಟಿದ್ದರಿಂದ ದೇಶದಲ್ಲಿ ಇನ್ನಷ್ಟು ಕಾಲ ಇರಬೇಕಾಯಿತು. ಆದರೆ ರೋಸ್ ಮೇಲೆ ಲೈಂಗಿಕ ದೌರ್ಜನ್ಯದ ಕೇಸ್ ಹಾಕಿ ಜೈಲಿಗೆ ಕಳಿಸಲಾಯಿತು. ಬಳಿಕ ತಮ್ಮನ್ನು ಯಾವ ಕಾರಣವೂ ಇಲ್ಲದೇ ಗಡೀಪಾರು ಮಾಡಲಾಯಿತು ಎಂದು ಅವರು ಹೇಳಿದ್ದಾರೆ.
