''ಅಜರ್'' ಚಿತ್ರ ಸಂಗೀತಾ ಬಿಜಲಾನಿಯನ್ನು ಮನೆಮುರುಕಿಯಾಗಿ ತೋರಿಸಿದೆಯಾ?

ಗತಕಾಲದ ನಟಿ ಸಂಗೀತಾ ಬಿಜಲಾನಿ ಇಮ್ರಾನ್ ಹಶ್ಮಿ ಅವರ ಮುಂಬರುವ ''ಅಜರ್'' ಚಿತ್ರ ನಿರ್ಮಾಪಕರ ಕೇಸು ಜಡಿಯಲು ಸಿದ್ಧತೆ ನಡೆಸಿದ್ದಾರೆಂಬ ವರದಿಗಳು ಹರಿದಾಡುತ್ತಿವೆ. ಈ ಚಿತ್ರವು ಭಾರತದ ವಿವಾದಾತ್ಮಕ ನಾಯಕ ಮೊಹಮ್ಮದ್ ಅಜರುದ್ದೀನ್ ಅವರ ಜೀವನವನ್ನು ಆಧರಿಸಿದೆ. ಅಜರ್ 8 ವರ್ಷಗಳ ಹಿಂದೆ ಪತ್ನಿಗೆ ವಿಚ್ಛೇದನ ನೀಡಿ ಸಂಗೀತಾರನ್ನು ಮದುವೆಯಾಗಿದ್ದರು.

ಈಗ ಅಜರ್ ಆತ್ಮಕಥೆಯ ಚಿತ್ರ ಬಿಡುಗಡೆಗೆ ಹತ್ತಿರವಾಗುತ್ತಿದ್ದಂತೆ, ಈ ಚಿತ್ರವು ತನ್ನನ್ನು ಕೆಟ್ಟದಾಗಿ ಚಿತ್ರಿಸಿದ್ದು, ಮನೆಮುರುಕಿಯಾಗಿ ತೋರಿಸಿರಬಹುದು ಎಂಬ ಚಿಂತೆ ಸಂಗೀತಾಳನ್ನು ಆವರಿಸಿದೆ.

ಇದನ್ನು ತುಂಬಾ ತಲೆಗೆ ಹಚ್ಚಿಕೊಂಡಿರುವ ಸಂಗೀತಾ ಅಜರ್ ಜತೆ ಸಂಬಂಧ ಕಡಿದುಕೊಂಡು ಐದು ವರ್ಷಗಳ ಬಳಿಕ ಖಾಸಗಿ ಫೋನ್ ಕರೆಯೊಂದನ್ನು ಮಾಡಿ ತನಗುಂಟಾಗಿರುವ ಅನುಮಾನವನ್ನು ಬಾಯಿಬಿಟ್ಟಿದ್ದಾರೆ. ತಾನು ಅಜರ್ ಚಿತ್ರ ಬಿಡುಗಡೆಗೆ ಮುಂಚೆಯೇ ನೋಡಬೇಕೆಂದು ಹಠ ಹಿಡಿದು ಕೂತಿದ್ದು, ಮಾಜಿ ಕ್ರಿಕೆಟರ್ ಜತೆ ಸತತ ಟಚ್‌ನಲ್ಲಿದ್ದಾರೆ.
ಆದರೆ ಬಿಡುಗಡೆಯಾಗುವ ತನಕ ಅಜರ್ ಚಿತ್ರದ ಗುಟ್ಟು ರಟ್ಟು ಮಾಡಲು ನಿರ್ಮಾಪಕರು ತಯಾರಿಲ್ಲ. ಇಮ್ರಾನ್ ಹಶ್ಮಿ, ನರ್ಗೀಸ್ ಫಕ್ರಿ ಮತ್ತು ಪ್ರಚಿ ದೇಸಾಯಿ ಪಾತ್ರವರ್ಗದ ಅಜರ್ ಚಿತ್ರ ಬೆಳ್ಳಿತೆರೆಗೆ ಮೇ 13ರಂದು ಲಗ್ಗೆ ಹಾಕಲಿದೆ.