ಶಿಖರ್ ಧವನ್ ಪತ್ನಿ, ಮಕ್ಕಳನ್ನು ದುಬೈನಿಂದ ವಿಮಾನವೇರಲು ನಿರಾಕರಿಸಿದ ವಿಮಾನ ಸಿಬ್ಬಂದಿ!

ನವದೆಹಲಿ: ದುಬೈ ಮಾರ್ಗವಾಗಿ ದ. ಆಫ್ರಿಕಾಗೆ ತೆರಳುತ್ತಿದ್ದ ಟೀಂ ಇಂಡಿಯಾ ಆಟಗಾರ ಶಿಖರ್ ಧವನ್ ಜತೆಗಿದ್ದ ಪತ್ನಿ ಆಯೆಷಾ ಮತ್ತು ಪುತ್ರನಿಗೆ ದುಬೈ ವಿಮಾನ ನಿಲ್ದಾಣದಿಂದ ಆಫ್ರಿಕಾ ವಿಮಾನವೇರಲು ಅವಕಾಶ ನಿರಾಕರಿಸಲಾಗಿದೆ.

ವಿಮಾನ ನಿಲ್ದಾಣದಲ್ಲಿ ಆಯೆಷಾ ಮತ್ತು ಪುತ್ರನ ಜನನ ನೋಂದಣಿ ಪತ್ರ ಮತ್ತು ಇತರ ದಾಖಲೆಗಳನ್ನು ಎಮಿರೇಟ್ಸ್ ವಿಮಾನ ಯಾನ ಸಿಬ್ಬಂದಿ ಕೇಳಿದ್ದು, ಇದು ತಕ್ಷಣದಲ್ಲಿ ಅವರ ಬಳಿ ಇರಲಿಲ್ಲ. ಇದೇ ಕಾರಣಕ್ಕೆ ಧವನ್ ಜತೆಗೆ ದ.ಆಫ್ರಿಕಾ ವಿಮಾನವೇರಲು ಕುಟುಂಬದವರಿಗೆ ಅವಕಾಶ ನೀಡಲಾಗಿಲ್ಲ.

ಈ ವಿಷಯವನ್ನು ಸ್ವತಃ ಧವನ್ ತಮ್ಮ ಟ್ವಿಟರ್ ಪೇಜ್ ನಲ್ಲಿ ವಿವರವಾಗಿ ಬರೆದುಕೊಂಡಿದ್ದು, ವಿಮಾನ ಯಾನ ಸಿಬ್ಬಂದಿಯ ವರ್ತನೆಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದನ್ನು ಮುಂಬೈಯಲ್ಲಿ ವಿಮಾನ ಏರುವ ಮೊದಲೇ ಯಾಕೆ ಹೇಳಿಲ್ಲ. ಈಗ ಅರ್ಧ ದಾರಿಯಲ್ಲಿ ಈ ರೀತಿ ಮಾಡುವುದು ಎಷ್ಟು ಸರಿ ಎಂದು ಧವನ್ ಪ್ರಶ್ನಿಸಿದ್ದಾರೆ. ಇದೀಗ ದುಬೈ ವಿಮಾನ ನಿಲ್ದಾಣದಲ್ಲೇ ಇರುವ ಧವನ್ ಪತ್ನಿ, ಪುತ್ರ ದಾಖಲೆ ಒದಗಿಸಿದ ಮೇಲಷ್ಟೇ ಆಫ್ರಿಕಾ ವಿಮಾನವೇರಲಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ