ಮೆಲ್ಬೋರ್ನ್: ಆಸ್ಟ್ರೇಲಿಯಾ ಪ್ರವಾಸದಲ್ಲಿರುವ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾರನ್ನು ಅತಿಯಾಗಿ ಹೊಗಳಿ ಟ್ರೋಲ್ ಗೊಳಗಾಗಿದ್ದಾರೆ.
ಅನುಷ್ಕಾ ಮತ್ತು ಶಾರುಖ್ ಖಾನ್ ಅಭಿನಯದ ಜೀರೋ ಚಿತ್ರ ಮೊನ್ನೆಯಷ್ಟೇ ಬಿಡುಗಡೆಯಾಗಿದೆ. ಈ ಚಿತ್ರವನ್ನು ಮೆಲ್ಬೋರ್ನ್ ಮಾಲ್ ಒಂದರಲ್ಲಿ ವೀಕ್ಷಿಸಿದ ಕೊಹ್ಲಿ ಟ್ವಿಟರ್ ನಲ್ಲಿ ಚಿತ್ರ ಚೆನ್ನಾಗಿದೆ ಅಂದಿದ್ದಲ್ಲದೆ, ಅನುಷ್ಕಾ ಅಭಿನಯ ಅದ್ಭುತವಾಗಿತ್ತು. ಇದು ಆಕೆಗೆ ಸವಾಲಿನ ಪಾತ್ರವಾಗಿತ್ತು ಎಂದೆಲ್ಲಾ ಹೊಗಳಿದ್ದರು.
ಇದನ್ನು ನೋಡಿ ಕೊಹ್ಲಿ ಕಾಲೆಳೆದಿರುವ ಟ್ವಿಟರಿಗರು ಅಂತೂ ಪತ್ನಿಯನ್ನು ಸುಮ್ಮನೇ ಹೊಗಳಿ ಕೊಹ್ಲಿ ಗಂಡನ ಕರ್ತವ್ಯ ನಿಭಾಯಿಸಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ. ಅಂತೂ ಪತ್ನಿಗೆ ಹೆದರಿ ಕೊಹ್ಲಿ ಹೀಗೆ ಹೇಳಿದ್ದಾರೆ. ಭಯ ಆಗಿದ್ದರೆ ಕೆಜಿಎಫ್ ನೋಡಿ ಧೈರ್ಯ ತಗೊಳ್ಳಿ ಎಂದು ಟ್ವಿಟರಿಗರು ಕಾಲೆಳೆದಿದ್ದಾರೆ.
ಇನ್ನು ಕೆಲವರು ವಿರಾಟ್ ಬಾಯ್ ಯಾಕೆ ಸುಮ್ನೇ ದುಡ್ಡು ವೇಸ್ಟ್ ಮಾಡಿದ್ರಿ? ಜೀರೋ ನೊಡಬೇಕಿದ್ರೆ ಕೆಎಲ್ ರಾಹುಲ್ ನೋಡಿದ್ರೆ ಸಾಕಿತ್ತು. ಇಂತಹ ಕೆಟ್ಟ ಸಿನಿಮಾ ನೋಡಿ ನಮ್ಮ ದುಡ್ಡೂ ದಂಡ ಎಂದು ಟೀಕಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
