ಮಾತುಕತೆಯ ಬಳಿಕವೂ ಅಸಲಿಗೆ ಚೀನಾ ಸೇನೆ ಹಿಂಪಡೆದಿರಲೇ ಇಲ್ಲ!

ನವದೆಹಲಿ: ಭಾರತ ಮತ್ತು ಚೀನಾ ನಡುವೆ ಗಡಿಯಲ್ಲಿ ನಡೆದಿರುವ ಚಕಮಕಿಯಲ್ಲಿ ಭಾರತದ ಮೂವರು ಯೋಧರು ಹುತಾತ್ಮರಾಗಿದ್ದಾರೆ. ಈ ಘಟನೆ ಬಳಿಕ ಎರಡೂ ದೇಶಗಳ ನಡುವಿನ ಉದ್ವಿಗ್ನ ಸ್ಥಿತಿ ಮತ್ತಷ್ಟು ಹೆಚ್ಚಾಗಿದೆ.

ಮೇ ತಿಂಗಳಿನಿಂದಲೂ ಗಡಿಯಲ್ಲಿ ಹೆಚ್ಚುವರಿ ಸೇನೆ ಜಮಾವಣೆ ಮಾಡಿ ಚೀನಾ ಕಾಲು ಕೆರೆಯುತ್ತಲೇ ಇತ್ತು. ಈ ವಿಚಾರವಾಗಿ ಸೇನೆಯ ನಡುವೆ ಉಭಯ ದೇಶಗಳ ನಡುವಿನ ಮೇಜರ್ ರ್ಯಾಂಕ್ ಅಧಿಕಾರಿಗಳ ನಡುವೆ ಮಾತುಕತೆ ನಡೆದಿತ್ತು. ಈ ವೇಳೆ ಸೇನೆ ಹಿಂಪಡೆಯುವ ಬಗ್ಗೆ ಮಾತುಕತೆಗಳಾಗಿತ್ತು.

ಆದರೆ ಅಸಲಿಗೆ, ಚೀನಾ ಸೇನೆ ಹಿಂಪಡೆದಿರಲಿಲ್ಲ ಎನ್ನಲಾಗಿದೆ. ಕೇವಲ ಒಂದು ಕಡೆ ಮಾತುಕತೆಯ ನಾಟಕವಾಡಿ ಇನ್ನೊಂದೆಡೆ ಕುಟಿಲ ಬುದ್ಧಿ ತೋರಿದೆ ಎಂಬ ವಿಚಾರ ಹರಡಿದೆ.