ತೇಲುವ ಮನೆ ಕಂಡುಹಿಡಿದ ಜಪಾನ್ ಕಂಪನಿ: ಇದರ ಉಪಯೋಗವೇನು ಗೊತ್ತಾ?

ಟೋಕಿಯೋ: ನೆರೆ ಬಂದಾಗ ಮನೆ ಮುಳುಗಡೆಯಾಗಿ ಜನ ಜೀವನ ಸಂಕಷ್ಟಕ್ಕೀಡಾಗುವ ಎಷ್ಟೋ ಘಟನೆಗಳನ್ನು ನಾವು ನೋಡುತ್ತಲೇ ಇರುತ್ತೇವೆ. ಇದಕ್ಕೆ ಜಪಾನೀಸ್ ಕಂಪನಿಯೊಂದು ಪರಿಹಾರ ಕಂಡುಕೊಂಡಿದೆ.

ಜಪಾನ್ ವಸತಿ ನಿರ್ಮಾಣ ಅಭಿವೃದ್ಧಿ ಕಂಪನಿ ಇಚಿಜೊ ಕೊಮುಟೆನ್ ಎಂಬ ಕಂಪನಿ ನೆರೆ ಬಂದಾಗ ಸುರಕ್ಷಿತವಾಗಿರುವಂತಹ ತೇಲುವ ಮನೆಯನ್ನು ಕಂಡುಹಿಡಿದಿದೆ.

ಈ ಮನೆ ವಾಟರ್ ಪ್ರೂಫ್ ಆಗಿದ್ದು, ನೆರೆಬಂದಾಗಲೂ ಜನರು ಇದರೊಳಗೆ ಸುರಕ್ಷಿತವಾಗಿರಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಒಂದು ವೇಳೆ ಇದು ಯಶಸ್ವಿಯಾದರೆ ನೆರೆ ಬಂದಾಗ ಮನೆ ಕಳೆದುಕೊಳ್ಳುವ ಭೀತಿ ಇರಲ್ಲ ಎನ್ನುವುದು ಕಂಪನಿಯ ವಾದ.