ಐಪಿಎಲ್ ಗೆದ್ದ ಗುಜರಾತ್ ತಂಡದಿಂದ ರೋಡ್ ಶೋ, ರಾಜ್ಯ ಸರ್ಕಾರದಿಂದ ಉಡುಗೊರೆ
ಮಂಗಳವಾರ, 31 ಮೇ 2022 (09:20 IST)
ಅಹಮ್ಮದಾಬಾದ್: ವಿಶ್ವದ ಶ್ರೀಮಂತ ಕ್ರೀಡಾ ಕೂಟ ಎಂದೇ ಖ್ಯಾತಿ ಪಡೆದಿರುವ ಐಪಿಎಲ್ ನ 15 ನೇ ಆವೃತ್ತಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ ಹಾರ್ದಿಕ್ ಪಾಂಡ್ಯ ನೇತೃತ್ವದ ಗುಜರಾತ್ ಟೈಟನ್ಸ್ ರೋಡ್ ಶೋ ನಡೆಸಿದೆ.
ಹಾರ್ದಿಕ್ ಹಾಗೂ ತಂಡದ ಕ್ರಿಕೆಟಿಗರು ಐಪಿಎಲ್ ಟ್ರೋಫಿಯೊಂದಿಗೆ ಅಹಮ್ಮದಾಬಾದ್ ನಲ್ಲಿ ತೆರೆದ ವಾಹನದಲ್ಲಿ ರೋಡ್ ಶೋ ನಡೆಸಿ ಸಂಭ್ರಮಿಸಿದ್ದಾರೆ. ಈ ವೇಳೆ ಸಾವಿರಾರು ಜನರು ರಸ್ತೆಗಳ ಇಕ್ಕೆಲಗಳಲ್ಲಿ ನಿಂತು ಚಾಂಪಿಯನ್ನರಿಗೆ ಜೈಕಾರ ಹಾಕಿದ್ದಾರೆ.
ಇನ್ನು, ಐಪಿಎಲ್ ಗೆದ್ದು ಹೀರೋಗಳಾದ ಗುಜರಾತ್ ತಂಡದ ಕ್ರಿಕೆಟಿಗರನ್ನು ಗುಜರಾತ್ ಮುಖ್ಯಮಂತ್ರಿ ಭುಪೇಂದ್ರಭಾಯ್ ಪಟೇಲ್ ಸನ್ಮಾನಿಸಿದರು. ಹಾರ್ದಿಕ್ ಪಾಂಡ್ಯಗೆ ವಿಶೇಷ ಉಡುಗೊರೆ ನೀಡಿ ಗೌರವಿಸಿದರು.
