ಬಲಾಢ್ಯ ಬ್ಯಾಟಿಂಗ್ ಗೆ ಹೆಸರು ವಾಸಿಯಾಗಿರುವ ಮುಂಬೈ ತಂಡಕ್ಕೆ ಇಂದೂ ಕೂಡಾ ಮತ್ತೆ ಬ್ಯಾಟರ್ ಗಳು ಕೈಕೊಟ್ಟರು. ಇಷ್ಟು ದಿನ ಕಳಪೆ ಫಾರ್ಮ್ ನಿಂದಾಗಿ ಟೀಕೆಗೊಳಗಾಗಿದ್ದ ಸೂರ್ಯಕುಮಾರ್ ಯಾದವ್ ಇಂದು ಉತ್ತಮ ಆಟವಾಡಿ 33 ರನ್ ಗಳಿಸಿದರು. ಉಳಿದಂತೆ ಕ್ವಿಂಟನ್ ಡಿ ಕಾಕ್ 19, ರೋಹಿತ್ ಶರ್ಮಾ 7, ಸೌರಭ್ ತಿವಾರಿ 15, ಕಿರನ್ ಪೊಲ್ಲಾರ್ಡ್ 6, ಹಾರ್ದಿಕ್ ಪಾಂಡ್ಯ 17, ಜಯಂತ್ ಯಾದವ್ 11 ರನ್ ಗಳಿಸಿದರು.
ಇಂದೂ ಕೂಡಾ ಇಶಾನ್ ಕಿಶನ್ ರನ್ನು ಆಡುವ ಬಳಗದಿಂದ ಹೊರಗಿಡಲಾಗಿತ್ತು. ಅತ್ತ ಡೆಲ್ಲಿ ಪರ ಆವೇಶ್ ಖಾನ್ ಮತ್ತು ಅಕ್ಸರ್ ಪಟೇಲ್ ತಲಾ 3, ನೋರ್ಜೆ ಮತ್ತು ಅಶ್ವಿನ್ ತಲಾ 1 ವಿಕೆಟ್ ಕಬಳಿಸಿದರು.
