ಮುಂಬೈ: ಸ್ವಾತಂತ್ರ್ಯೋತ್ಸವ ನಿಮಿತ್ತ ಇಂದು ಷೇರುಮಾರುಕಟ್ಟೆಗೆ ರಜೆ ಇರುತ್ತಾ ಎಂದು ಕೆಲವರಿಗೆ ಅನುಮಾನವಿದೆ. ಅದು ನಿಜ, ಸ್ವಾತಂತ್ರ್ಯೋತ್ಸವ ನಿಮಿತ್ತ ಇಂದು ಷೇರು ಮಾರುಕಟ್ಟೆಗೂ ರಜೆಯಿರಲಿದೆ.
ಬಾಂಬೆ ಸ್ಟಾಕ್ ಎಕ್ಸ್ ಚೇಂಜ್ ಮತ್ತು ನ್ಯಾಷನಲ್ ಎಕ್ಸ್ ಚೇಂಜ್ ಕೂಡಾ ಬಂದ್ ಆಗಲಿದೆ. ವರ್ಷದಲ್ಲಿ ಷೇರು ಮಾರುಕಟ್ಟೆಗೆ ಕೆಲವು ದಿನ ಮಾತ್ರ ರಜೆಯಿರುತ್ತದೆ. ಆ ದಿನಗಳಲ್ಲಿ ಸ್ವಾತಂತ್ರ್ಯೋತ್ಸವ ದಿನ ಕೂಡಾ ಒಂದು. ಶನಿವಾರ ಭಾನುವಾರ ಹೊರತುಪಡಿಸಿ ಒಟ್ಟು 14 ದಿನ ರಜೆಯಿರುತ್ತದೆ.
ಷೇರುಮಾರುಕಟ್ಟೆಯಲ್ಲಿ ತೊಡಗಿಸಿಕೊಂಡವರು ಪ್ರತಿನಿತ್ಯವೂ ಇಂದಿನ ಮಾರುಕಟ್ಟೆ ಹೇಗಿರುತ್ತದೆ ಎಂದು ಚೆಕ್ ಮಾಡಿಕೊಂಡೇ ಮಾಡಿಕೊಳ್ಳುತ್ತಾರೆ. ಆದರೆ ಇಂದು ಆ ತಲೆಬಿಸಿ ಇರಲ್ಲ. ರಾಷ್ಟ್ರೀಯ ಹಬ್ಬವಾಗಿರುವುದರಿಂದ ಇಂದು ಷೇರು ಮಾರುಕಟ್ಟೆಯೂ ಬಂದ್ ಆಗಿರಲಿದೆ.
ಇದಲ್ಲದೆ, ಅಕ್ಟೋಬರ್ 2 ರಂದು ಗಾಂಧಿ ಜಯಂತಿ, ದೀಪಾವಳಿ, ಗುರುನಾನಕ್ ಜಯಂತಿ, ಕ್ರಿಸ್ಮಸ್ ಹಬ್ಬಕ್ಕೂ ಷೇರು ಮಾರುಕಟ್ಟೆಗೆ ರಜೆಯಿರುತ್ತದೆ. ಹೀಗಾಗಿ ಇಂದು ಷೇರು ಮಾರುಕಟ್ಟೆಯಲ್ಲಿ ಯಾವುದೇ ವ್ಯವಹಾರಗಳು ನಡೆಯುವುದಿಲ್ಲ.
