ಬಿಗ್ ಬಾಸ್ ಮನೆಯಲ್ಲಿ ನಿವೇದಿತಾ ಗೌಡ ಜತೆ ಉಳಿದವರೆಲ್ಲಾ ಮಾತುಬಿಟ್ಟಿದ್ದು ಯಾಕೆ…?
ಬುಧವಾರ, 3 ಜನವರಿ 2018 (07:15 IST)
ಬೆಂಗಳೂರು : ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಗಳು ಬಿಗ್ ಬಾಸ್ ನೀಡಿರುವ ಟಾಸ್ಕಗಳನ್ನು ಮನಸ್ಪೂರ್ತಿಯಾಗಿ ಮಾಡುತ್ತಿದ್ದು, ಸದಸ್ಯರೆಲ್ಲರೂ ಕುಳಿತು ಮಾತನಾಡುತ್ತಿರುವಾಗ ಮಧ್ಯದಲ್ಲಿ ಮಾತಿನ ಚಕಾಮಕಿ ನಡೆದು ನಿವೇದಿತಾ ಗೌಡ ಬಿಕ್ಕಿ ಬಿಕ್ಕಿಅತ್ತಿರುವ ಘಟನೆ ಬಿಗ್ ಬಾಸ್ ಮನೆಯಲ್ಲಿ ನಿನ್ನೆ ನಡೆದಿದೆ.
ಈ ವಾರ ಮನೆಯಿಂದ ಹೊರ ಹೋಗುವುದು ತಾನೆ ಎಂದು ಜೆಕೆ ಅವರು ಹೇಳಿದಾಗ, ಮಧ್ಯದಲ್ಲಿ ನಿವೇದಿತಾ ತಾನು ಟಾಪ್ 5 ರಲ್ಲಿ ಒಬ್ಬಳಾಗಿರುತ್ತೇನೆ ಎಂದು ಹೇಳಿದ್ದು, ಸದಸ್ಯರಲ್ಲಿ ಬೇಸರ ಮೂಡಿಸಿತ್ತು, ಕೆಲವು ಸದಸ್ಯರು ಅದನ್ನು ಆಕ್ಷೇಪಿಸಿದರು. ಆಗ ನಿವೇದಿತಾ ತಾನು ತಮಾಷೆ ಮಾಡಿರುವುದಾಗಿ ಎಷ್ಟೇ ಹೇಳಿದರು ಯಾರೂ ಕೇಳಿಸಿಕೊಳ್ಳುವ ಸ್ಥಿತಿಯಲ್ಲಿರಲಿಲ್ಲ.
ಆಗ ಬೇಸರಗೊಂಡ ನಿವೇದಿತಾ ಅಳುತ್ತಾ ಯಾರು ತನ್ನ ಬಳಿ ಮಾತನಾಡಬೇಡಿ ಎಂದಾಗ ಎಲ್ಲರೂ ಆಕೆಯ ಬಳಿ ಮಾತು ನಿಲ್ಲಿಸಿದರು. ಇದರಿಂದ ನಿವೇದಿತಾ ಇನ್ನಷ್ಟು ಬೇಸರಗೊಂಡು ಬಿಕಿಬಿಕಿ ಅತ್ತರು. ಕೊನೆಗೆ ಸಮೀರ್ ಆಚಾರ್ಯ ಹಾಗು ರಿಯಾಜ್ ಅವರು ನಿವೇದಿತಾರನ್ನು ಸಮಾಧಾನ ಪಡಿಸಿದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
