ಪ್ಯಾನ್ ಇಂಡಿಯನ್ ಚಲನಚಿತ್ರವನ್ನು ನಿರ್ಮಿಸಲು ಸಜ್ಜಾದ ಮುರುಗದಾಸ್!

ಚೆನ್ನೈ : ನಿರ್ದೇಶಕ ಮುರುಗದಾಸ್ ಅವರು ಬಾಲಿವುಡ್ ನಿರ್ಮಾಪಕ ಅವರೊಂದಿಗೆ ಪ್ಯಾನ್ ಇಂಡಿಯನ್ ಚಲನಚಿತ್ರವನ್ನು ನಿರ್ಮಿಸಲು ಸಜ್ಜಾಗಿದ್ದಾರೆ.

ವಿಜಯ್ ಅವರ ದಳಪತಿ 65 ಚಿತ್ರವನ್ನು ನಿರ್ದೇಶಿಸಲು ಮುಂದಾದ ಮುರುಗದಾಸ್ ಅವರು ಕೆಲವು ಕಾರಣಗಳಿಂದ ಚಿತ್ರದಿಂದ ಹೊರಗುಳಿದಿದ್ದಾರೆ.  ಬಳಿಕ ಆ ಚಿತ್ರವನ್ನು ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶಿಸುತ್ತಿದ್ದಾರೆ.

ಈ ನಡುವೆ ಇದೀಗ ಮುರುಗದಾಸ್ ಅವರು ಬಾಲಿವುಡ್ ನಿರ್ಮಾಪಕ ಓಂಪ್ರಕಾಶ್ ಭಟ್ ಅವರೊಂದಿಗೆ ಪ್ಯಾನ್ ಇಂಡಿಯನ್ ಚಿತ್ರವನ್ನು ನಿರ್ಮಿಸಲು ಹೊರಟಿದ್ದು ಇದಕ್ಕೆ ‘1947’ ಎಂದು ಹೆಸರಿಡಲಾಗಿದೆ. ಈ ಚಿತ್ರದ ಪಾತ್ರವರ್ಗಗಳ ಬಗ್ಗೆ ಅಧಿಕೃತ ಮಾಹಿತಿ ಶೀಘ್ರದಲ್ಲಿಯೇ ಹೊರಬೀಳಲಿದೆ ಎನ್ನಲಾಗಿದೆ.