ಪಡ್ಡೆಹುಲಿಯ ಜೊತೆ ನಿಶ್ವಿತಾ ನಾಯ್ಡು ರೊಮ್ಯಾನ್ಸ್!

ಎಂ. ರಮೇಶ್ ರೆಡ್ಡಿ ತೇಜಸ್ವಿನಿ ಎಂಟರ್ ಪ್ರೈಸಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣ ಮಾಡಿರುವ ಪಡ್ಡೆಹುಲಿ ಚಿತ್ರ ಇದೇ ಏಪ್ರಿಲ್ ಹತ್ತೊಂಬತ್ತರಂದು ರಾಜ್ಯಾಧ್ಯಂತ ಅದ್ದೂರಿಯಾಗಿ ಬಿಡುಗಡೆಯಾಗುತ್ತಿದೆ. ಗುರುದೇಶಪಾಂಡೆ ನಿರ್ದೇಶನ ಮಾಡಿರೋ ಈ ಸಿನಿಮಾ ಮೂಲಕ ಶ್ರೇಯಸ್ ಮಾಸ್ ಲುಕ್ಕಿನಲ್ಲಿ ಕಂಗೊಳಿಸಿದ್ದಾರೆ. ಅವರಿಗೆ ನಾಯಕಿಯಾಗಿ ಜೋಡಿಯಾಗಿರೋದು ನಿಶ್ವಿಕಾ ನಾಯ್ಡು!

ಪಡ್ಡೆಹುಲಿ ಚಿತ್ರ ಇದೀಗ ಬರೋಬ್ಬರಿ ಹನ್ನೊಂದು ಹಾಡುಗಳ ಮೂಲಕ ಪ್ರೇಕ್ಷಕರನ್ನು ಆವರಿಸಿಕೊಂಡಿದೆ. ಪ್ರತಿಯೊಂದು ಹಾಡೂ ಕೂಡಾ ತನ್ನದೇ ರೀತಿಯಲ್ಲಿ ಮೋಡಿ ಮಾಡಿ ಟ್ರೆಂಡಿಂಗ್ ನಲ್ಲಿದೆ. ಇಂಥಾ ಹಾಡುಗಳ ಮೂಲಕವೇ ನಾಯಕ ಶ್ರೇಯಸ್ ಕೂಡಾ ಶೈನಲ್ ಆಗಿದ್ದಾರೆ. ಅದೇ ರೀತಿ ಅವರಿಗೆ ಜೋಡಿಯಾಗಿ ಹೆಜ್ಜೆ ಹಾಕುವ ಮೂಲಕ ನಿಶ್ವಿಕಾ ನಾಯ್ಡು ಕೂಡಾ ಮನಗೆದ್ದಿದ್ದಾರೆ.

ಈಗಾಗಲೇ ಈ ಹಾಡುಗಳ ಮೂಲಕವೇ ಶ್ರೇಯಸ್ ಮತ್ತು ನಿಶ್ವಿಕಾ ನಾಯ್ಡು ಚೆಂದದ ಜೋಡಿ ಅಂತ ಬಿಂಬಿತರಾಗಿದ್ದಾರೆ. ನಾಯಕನಾಗಿ ಶ್ರೇಯಸ್ ಮಾಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆಂಬ ಸುಳಿವು ಈಗಾಗಲೇ ಸಿಕ್ಕಿದೆ. ಆದರೆ, ನಾಯಕಿ ನಿಶ್ವಿಕಾ ಎಂಥಾ ಪಾತ್ರದಲ್ಲಿ ನಟಿಸಿದ್ದಾರೆಂಬ ಸುಳಿವು ಮಾತ್ರ ಸಿಕ್ಕಿಲ್ಲ. ಅದನ್ನು ಚಿತ್ರತಂಡವೂ ಗೌಪ್ಯವಾಗಿಟ್ಟಿದೆ. ನಿಶ್ವಿಕಾ ಎಲ್ಲ ಎಲ್ಲರಿಗೂ ಆಪ್ತವಾಗುವಂಥಾ ಪಾತ್ರದಲ್ಲಿ ನಟಿಸಿದ್ದಾರೆಂಬುದಂತೂ ಸತ್ಯ.