ರಾಮ್ ಚರಣ್ ಮಗಳಿಗೆ ವಿಶಿಷ್ಟ ಹೆಸರಿನಿಂದ ನಾಮಕರಣ
ಆರ್ ಆರ್ ಆರ್ ಸ್ಟಾರ್ ತಮ್ಮ ಮಗಳಿಗೆ ಕ್ಲಿನ್ ಕಾರಾ ಕೊನಿಡೆಲಾ ಎಂದು ಹೆಸರಿಟ್ಟಿದ್ದಾರೆ. ಕೊನಿಡೆಲಾ ಮನೆತನದ ಹೆಸರು. ಕ್ಲಿನ್ ಕಾರಾ ಎಂದು ಮಗುವಿನ ಹೆಸರಾಗಿರಲಿದೆ. ಈ ಹೆಸರನ್ನು ಲಲಿತಸಹಸ್ರನಾಮದಿಂದ ಪಡೆದುಕೊಳ್ಳಲಾಗಿದೆಯಂತೆ. ಎಲ್ಲರಿಗೂ ತಿಳಿದಿರುವ ಹಾಗೆ ರಾಮ್ ಚರಣ್-ಉಪಾಸನಾ ಅಪಾರ ದೈವ ಭಕ್ತರು. ಹೀಗಾಗಿ ಮಗಳಿಗೂ ದೇವಿಗೆ ಸಂಬಂಧಪಟ್ಟ ಹೆಸರಿಟ್ಟಿದ್ದಾರೆ.
ನಿನ್ನೆ ಮಗುವಿನ ತೊಟ್ಟಿಲಶಾಸ್ತ್ರ ಮತ್ತು ನಾಮಕರಣ ಅದ್ಧೂರಿಯಾಗಿ ನೆರವೇರಿದ್ದು ಚಿನ್ನದ ತೊಟ್ಟಿಲನ್ನು ಉಡುಗೊರೆಯಾಗಿ ನೀಡಲಾಗಿದೆ. ಈ ತೊಟ್ಟಿಲು ಸುಮಾರು 1 ಕೋಟಿ ರೂ. ಬೆಲೆ ಬಾಳುವಂತಹದ್ದು ಎನ್ನಲಾಗಿದೆ.
