ಬೆಂಗಳೂರು: ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶಿಸಿ ನಟಿಸುತ್ತಿರುವ ಯುಐ ಸಿನಿಮಾದ ಬಗ್ಗೆ ಹೊಸ ಅಪ್ ಡೇಟ್ ಕೊಟ್ಟಿದ್ದಾರೆ.
ಉಪೇಂದ್ರ ತಮ್ಮ ಸಿನಿಮಾದ ಮೊದಲ ಹಾಡು ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದ್ದಾರೆ. ಯುಐ ಸಿನಿಮಾ ಪ್ಯಾನ್ ಇಂಡಿಯಾ ಲೆವೆಲ್ ನಲ್ಲಿ ಮೂಡಿಬರುತ್ತಿದ್ದು, ಈ ಸಿನಿಮಾದ ಕತೆಯೇ ಡಿಫರೆಂಟ್ ಆಗಿದೆ. ಇದು ಉಪ್ಪಿ ಟೇಸ್ಟ್ ನ ಸಿನಿಮಾ. ಇತ್ತೀಚೆಗಷ್ಟೇ ಉಪೇಂದ್ರ ಸಿನಿಮಾದ ಸಣ್ಣ ತುಣುಕೊಂದನ್ನು ಹೊರಬಿಟ್ಟಿದ್ದರು.
ಇದೀಗ ಚಿತ್ರದ ಮೊದಲ ಹಾಡನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದ್ದಾರೆ. ಸದ್ಯದಲ್ಲಿಯೇ ಬಿಡುಗಡೆ ಮಾಡುತ್ತಿರುವುದಾಗಿ ಹೇಳಿದ್ದಾರೆ. ಯುಐ ಸಿನಿಮಾಗೆ ಸಂಗೀತ ಸಂಯೋಜಿಸಿರುವುದು ಕಾಂತಾರ ಖ್ಯಾತಿಯ ಅಜನೀಶ್ ಬಿ ಲೋಕನಾಥ್. ಉಪೇಂದ್ರ ಮೊದಲ ಸಿನಿಮಾದಿಂದ ಇಲ್ಲಿಯವರೆಗೆ ಅವರ ಎಲ್ಲಾ ಸಿನಿಮಾಗಳಲ್ಲೂ ಹಾಡುಗಳು ಉತ್ಕೃಷ್ಟ ಮಟ್ಟದಲ್ಲಿರುತ್ತದೆ. ಉಪ್ಪಿ ಹಾಡುಗಳೆಂದರೆ ಸೂಪರ್ ಹಿಟ್ ಎಂದೇ ಲೆಕ್ಕ.
ಇದೀಗ ಯುಐ ಸಿನಿಮಾ ಹಾಡುಗಳ ಬಗ್ಗೆಯೂ ಅಷ್ಟೇ ಕ್ರೇಜ್ ಇದೆ. ಉಪೇಂದ್ರ ಮಾಡೋದೆಲ್ಲಾ ಡಿಫರೆಂಟ್ ಆಗಿಯೇ ಮಾಡುತ್ತಾರೆ ಎಂದು ಫ್ಯಾನ್ಸ್ ಅಭಿಪ್ರಾಯಪಟ್ಟಿದ್ದಾರೆ. ಹಾಡಿನ ಬಗ್ಗೆ ಹೇಳುವಾಗ ಮತ್ತೊಂದು ರಕ್ತಸಿಕ್ತ ಮುಖಭಾವದ ಪೋಸ್ಟರ್ ಕೂಡಾ ರಿಲೀಸ್ ಮಾಡಿದ್ದಾರೆ.
ಹೀಗಾಗಿ ಇದು ಯುಐ ಟೈಟಲ್ ಸಾಂಗ್ ಇರಬಹುದು ಎಂದು ಫ್ಯಾನ್ಸ್ ಊಹಿಸಿದ್ದಾರೆ. ಸದ್ಯಕ್ಕೆ ಸಿನಿಮಾದ ಹಾಡಿನ ಬಗ್ಗೆ ಇನ್ಯಾವುದೇ ಸುಳಿವು ಬಿಟ್ಟುಕೊಟ್ಟಿಲ್ಲ. ಯುಐ ಸಿನಿಮಾದಲ್ಲಿ ಸಾಧುಕೋಕಿಲ, ರವಿಶಂಕರ್, ರೀಶ್ಮಾ ನಾಣಯ್ಯ ಸೇರಿದಂತೆ ಬಹುತಾರಾಗಣವಿದೆ.
