ಗ್ಲೋಬಲ್ ಸ್ಟಾರ್ ಆಗಲು ಹೊರಟಿರುವ ರಾಕಿ ಭಾಯಿ ಯಶ್

ಬೆಂಗಳೂರು: ಕೆಜಿಎಫ್ 2 ಸಿನಿಮಾ ಆದ ಬಳಿಕ ಯಶ್ ತಮ್ಮ ಮುಂದಿನ ಸಿನಿಮಾಗೆ ಭರ್ಜರಿ ತಯಾರಿ ನಡೆಸುತ್ತಿದ್ದರು. ಇದೀಗ ಯಶ್19 ಟೈಟಲ್ ಘೋಷಣೆ ದಿನಾಂಕವನ್ನೂ ಪ್ರಕಟಿಸಿದ್ದಾರೆ.

ಆದರೆ ಇದಕ್ಕೆ ಸಾಕಷ್ಟು ತಯಾರಿ ಮಾಡಿಕೊಂಡೇ ಬರುತ್ತಿದ್ದಾರೆ. ಹಾಲಿವುಡ್ ಸ್ಟಂಟ್ ಡೈರೆಕ್ಟರ್ ಗಳ ಸಂಪರ್ಕ ಬೆಳೆಸಿದ್ದಾರೆ. ಈ ಮೂಲಕ ಯಶ್ ನ್ಯಾಷನಲ್ ಸ್ಟಾರ್ ನಿಂದ ಗ್ಲೋಬಲ್ ಸ್ಟಾರ್ ಆಗುವತ್ತ ಗಮನಹರಿಸಿದ್ದಾರೆ. ಪ್ಯಾನ್ ಇಂಡಿಯಾ ಸಿನಿಮಾ ಮಾಡಿದ ಅನೇಕ ಸ್ಟಾರ್ ನಟರು ಮುಂದಿನ ಸಿನಿಮಾದಲ್ಲಿ ಮುಗ್ಗರಿಸಿದ್ದು ಇದೆ.

ಆದರೆ ಯಶ್ ಅಂತಹ ತಪ್ಪಾಗದಂತೆ ಎಚ್ಚರಿಕೆ ವಹಿಸಿದ್ದಾರೆ. ಇದಕ್ಕಾಗಿಯೇ ಕಳೆದ ಒಂದು ವರ್ಷದಿಂದ ತಮ್ಮ ಮುಂದಿನ ಸಿನಿಮಾಗೆ ಸಾಕಷ್ಟು ಹೋಂ ವರ್ಕ್ ಮಾಡಿಕೊಳ್ಳುತ್ತಿದ್ದಾರೆ. ಕಾರ್ ರೇಸಿಂಗ್, ಶೂಟಿಂಗ್ ಸೇರಿದಂತೆ ವಿಶೇಷ ಸ್ಟಂಟ್ಸ್ ಗಳನ್ನು ಕಲಿಯುತ್ತಿದ್ದಾರೆ. ಈ ಮೂಲಕ ಕೆಜಿಎಫ್ ತಮಗೆ ಅದೃಷ್ಟದಿಂದ ಸಿಕ್ಕ ಗೆಲುವಲ್ಲ ಎಂದು ಸಾಬೀತುಪಡಿಸಲು ಹೊರಟಿದ್ದಾರೆ.

ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ಯಶ್, ಅವಸರದಲ್ಲಿ ಅಡುಗೆ ಮಾಡಿ ಬಡಿಸಲ್ಲ ಎಂದಿದ್ದರು. ಹೀಗಾಗಿ ತಮ್ಮ ಹೊಸ ಸಿನಿಮಾಗಾಗಿ ಸಾಕಷ್ಟು ತಯಾರಿ ಮಾಡಿಕೊಂಡೇ ಬರುತ್ತಿದ್ದಾರೆ. ಆ ಮೂಲಕ ಕೆಜಿಎಫ್ ಮೂಲಕ ಗಳಿಸಿದ ಹೆಸರನ್ನು ಉಳಿಸಿಕೊಳ್ಳುವ ಪ್ರಯತ್ನ ಮಾಡಲಿದ್ದಾರೆ.