ಬೆಂಗಳೂರು: ಕಿಚ್ಚ ಸುದೀಪ್ ಅವರ ಮುಂದಿನ ಸಿನಿಮಾ ಟೀಸರ್ ಲಾಂಚ್ ಯಾವಾಗ ಎಂದು ನಿನ್ನೆ ಅಧಿಕೃತ ಮಾಹಿತಿ ಹೊರಬಿದ್ದಿದೆ.
ಕಿಚ್ಚ46 ಸಿನಿಮಾ ಟೀಸರ್ ಜುಲೈ 2 ರಂದು ಬೆಳಿಗ್ಗೆ 11.46 ಕ್ಕೆ ಲಾಂಚ್ ಆಗಲಿದೆ. ವಿ ಕ್ರಿಯೇಷನ್ಸ್ ನ ಕಲೈಪುಲಿ ಎಸ್. ಧಾನು ನಿರ್ಮಾಣದಲ್ಲಿ ಸಿನಿಮಾ ಮೂಡಿಬರಲಿದೆ.
ಕಿಚ್ಚ46 ಅಪ್ ಡೇಟ್ ಗಾಗಿ ಅಭಿಮಾನಿಗಳು ಸಾಕಷ್ಟು ದಿನಗಳಿಂದ ಕಾಯುತ್ತಲೇ ಇದ್ದರು. ಹೀಗಾಗಿ ಚಿತ್ರತಂಡ ವಿಶೇಷವಾಗಿ ಟೀಸರ್ ಲಾಂಚ್ ಡೇಟ್ ಬಗ್ಗೆ ಅಪ್ ಡೇಟ್ ಕೊಟ್ಟಿದೆ. ಈ ಬಗ್ಗೆ ವಿಶೇಷ ವಿಡಿಯೋ ಮಾಡಿರುವ ಚಿತ್ರತಂಡ ಇದರಲ್ಲಿ ಸ್ಯಾಂಡಲ್ ವುಡ್ ತಾರೆಯರಾದ ನಿರೂಪ್ ಭಂಡಾರಿ, ಡಾಲಿ ಧನಂಜಯ್, ಅನೂಪ್ ಭಂಡಾರಿ, ಸಪ್ತಮಿ ಗೌಡ, ಡಾರ್ಲಿಂಗ್ ಕೃಷ್ಣ ಸೇರಿದಂತೆ ಅನೇಕ ನಟರು ಭಾಗಿಯಾಗಿ ಟೀಸರ್ ಅಪ್ ಡೇಟ್ ಯಾವಾಗ ಗೊತ್ತಾ ಎಂದು ಕುತೂಹಲ ವ್ಯಕ್ತಪಡಿಸಿದ್ದಾರೆ. ಬಳಿಕ ಟೀಸರ್ ಡೇಟ್ ಬಹಿರಂಗಪಡಿಸಲಾಗಿದೆ. ಈ ವಿಶೇಷ ವಿಡಿಯೋ ಕಿಚ್ಚನಿಗೂ ಇಷ್ಟವಾಗಿದ್ದು, ಈ ವಿಡಿಯೋದಲ್ಲಿ ಭಾಗಿಯಾಗಿರುವ ತಮ್ಮ ಸಿನಿ ಸ್ನೇಹಿತರಿಗೆ ಕಿಚ್ಚ ವಿಶೇಷವಾಗಿ ಧನ್ಯವಾದ ಸಲ್ಲಿಸಿದ್ದಾರೆ.
