Love ರಿಜೆಕ್ಟ್ ಮಾಡಿದವಳಿಗೆ ಪಾಗಲ್ ಪ್ರೇಮಿ ಮಾಡಿದ್ದೇನು ಗೊತ್ತಾ?

ಸಾಂಸ್ಕೃತಿಕ ನಗರಿಯಲ್ಲಿ ಭಗ್ನ ಪ್ರೇಮಿಯೊಬ್ಬ ಅಟ್ಟಹಾಸ  ಮೆರೆದಿದ್ದಾನೆ.

ಹಾಡುಹಗಲೇ ಹುಡುಗಿಯೊಬ್ಬಳಿಗೆ ಪಾಗಲ್ ಪ್ರೇಮಿಯೊಬ್ಬ ಚಾಕು ಇರಿದಿದ್ದಾನೆ. ಮೈಸೂರಿನ ಮಹಾರಾಜ ಕಾಲೇಜು ಮೈದಾನದಲ್ಲಿ ಘಟನೆ ನಡೆದಿದೆ.

ಪ್ರೇಮಿಗಳ ದಿನಾಚರಣೆಯಲ್ಲಿ ತನ್ನ ಪ್ರೀತಿಯನ್ನು ನಿರಾಕರಿಸಿದ್ದಕ್ಕೆ ಪಾಗಲ್ ಪ್ರೇಮಿ ಈ ದಾಳಿ ನಡೆಸಿದ್ದಾನೆ.

ಯುವರಾಜ ಕಾಲೇಜು ವಿದ್ಯಾರ್ಥಿನಿ ಮೇಘನಾ ಎಂಬುವರ ಮೇಲೆಯೇ ಚಾಕು ಇರಿದಿರುವ ರೋಹಿತ್ ಪರಾರಿಯಾಗಿದ್ದಾನೆ.
ರೋಹಿತ್ ಕೂಡ ಯುವರಾಜ ಕಾಲೇಜು ವಿದ್ಯಾರ್ಥಿಯಾಗಿದ್ದಾನೆ. ಹಲ್ಲೆ ಮಾಡುವಾಗ ಮತ್ತೋರ್ವ ವಿದ್ಯಾರ್ಥಿನಿಗೂ ಗಾಯಗಳಾಗಿವೆ.

ಚಂದನಾ ಎಂಬುವರಿಗೆ ಹಲ್ಲೆ ವೇಳೆ ಗಾಯವಾಗಿವೆ. ಸದ್ಯ ಮೇಘನಾ ಮತ್ತು ಚಂದನಾಗೆ ಜೆ ಎಸ್ ಎಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಹಲ್ಲೆ ಮಾಡಿದ ರೋಹಿತ್ ಸ್ಥಳದಿಂದ ಎಸ್ಕೇಪ್ ಆಗಿದ್ದಾನೆ. ಲಕ್ಷ್ಮೀಪುರಂ ಠಾಣೆಯ ತನಿಖೆ ಮುಂದುವರಿಸಿದ್ದಾರೆ.