ಅಮೆಜಾನ್‌ ನಲ್ಲಿ ಹಲಸಿನ ಹಣ್ಣಿನ ಬೆಲೆ ಕೇಳಿದ್ರೆ ಬೆಚ್ಚಿಬೀಳ್ತೀರಾ
ಶನಿವಾರ, 1 ಜೂನ್ 2019 (09:13 IST)
ಬೆಂಗಳೂರು : ಆನ್‌ ಲೈನ್ ಮೊರೆಹೋಗಿರುವ ಜನರು ಅಮೆಜಾನ್‌ ನಲ್ಲಿ ಹಲಸಿನ ಹಣ್ಣಿನ್ನು ಹುಡುಕಾಡಿದರೆ ಬೆಚ್ಚಿಬೀಳುವುದು ಖಂಡಿತ.
ಹೌದು. ಅಮೆಜಾನ್‌ ನಲ್ಲಿ ಹಲಸಿನ ಹಣ್ಣಿನ ಬೆಲೆ ಅಷ್ಟೊಂದು ದುಬಾರಿಯಾಗಿದೆ. ಸಾಮಾನ್ಯವಾಗಿ ಮಾರುಕಟ್ಟೆಯಲ್ಲಿ 4-5 ಹಲಸಿನ ತೊಳೆಗೆ ಗಾಡಿಯಲ್ಲಿ 20 ರೂ. ಪಡೆದುಕೊಳ್ಳುತ್ತಾರೆ. ಆದರೆ ಅಮೆಜಾನ್‌ನಲ್ಲಿ 4-5 ಹಲಸಿನ ತೊಳೆಗೆ ಏನಿಲ್ಲವೆಂದರೂ 200 ರೂ. ದರವಿದೆ.
ಅದರಲ್ಲೂ ಪೂರ್ತಿ ಹಲಸಿನ ಹಣ್ಣಿನ ಬೆಲೆ ಕೇಳಿದರೆ ತಲೆ ತಿರುಗುವುದು ಖಂಡಿತ. ಯಾಕೆಂದರೆ ಪೂರ್ತಿ ಹಲಸಿನ ಹಣ್ಣಿನ ಬೆಲೆ 28,238 ರೂ.ನಿಂದ ತೊಡಗಿ, 69,201 ರೂ.ವರೆಗೆ ಇದೆ. ಗಾತ್ರದ ಮೇಲೆ ದರ ವ್ಯತ್ಯಾಸವಿದೆ.
