ಮಹೇಂದ್ರ ಎಂಬಾತ ಬಂಧಿತ ಕಾಮುಕ ಆರೋಪಿಯಾಗಿದ್ದು, ಮಲ್ಲೇಶ್ವರಂನ ಖಾಸಗಿ ಕಾಲೇಜಿನಲ್ಲಿ ಸೆಕ್ಯೂರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದ. ಆರೋಪಿ ತನ್ನದೇ ಕಾಲೇಜಿನ ನಾಲ್ವರು ಉಪನ್ಯಾಸಕಿಯರಿಗೆ ಅಶ್ಲೀಲ ಸಂದೇಶ ಕಳುಹಿಸಿ ಪೀಡಿಸುತ್ತಿದ್ದ ಎನ್ನಲಾಗಿದೆ.
ಇಂಟರ್‌ನೆಟ್ ಬಳಸಬೇಕು ಎಂದು ವಿದ್ಯಾರ್ಥಿಗಳಿಂದ ಮೊಬೈಲ್ ಪಡೆದುಕೊಂಡು ಆರೋಪಿ ಮಹೇಂದ್ರ ನಾಲ್ವರು ಉಪನ್ಯಾಸಕಿಯರಿಗೆ ಐ ಲವ್ ಯು, ಐ ಮಿಸ್ ಯು, ಫ್ರೀ ಇದ್ದರೆ ಸಿಗ್ತೀರಾ ಅಂತೆಲ್ಲಾ ಸಂದೇಶ ಕಳುಹಿಸುತ್ತಿದ್ದ. ಈ ಕುರಿತು ಉಪನ್ಯಾಸಕಿಯರು ಮಲ್ಲೇಶ್ವರಂ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.
