ನಾಳೆ ಸಂಜೆ ರಾಜ್ಯ ಸಚಿವ ಸಂಪುಟ ಸಭೆ ಕರೆದ ಸಿಎಂ

ಬೆಂಗಳೂರು : ನಾಳೆ ಹಲವು ವಿಚಾರಗಳ ಬಗ್ಗೆ ಚರ್ಚಿಸಲು ಸಿಎಂ ಬಿಎಸ್ ಯಡಿಯೂರಪ್ಪ ರಾಜ್ಯ ಸಚಿವ ಸಂಪುಟ ಸಭೆ ಕರೆದಿದ್ದಾರೆ.

ಗುರುವಾರ ಸಂಜೆ 4ಕ್ಕೆ ಸಿಎಂ ನೇತೃತ್ವದಲ್ಲಿ ಈ ಸಂಪುಟ ಸಭೆ ನಡೆಯಲಿದ್ದು, ಆ ವೇಳೆ  ಗ್ರಾಮಪಂಚಾಯತ್ ಗೆ ಆಡಳಿತ ಸಮಿತಿ ರಚನೆ ವಿಚಾರದ ಬಗ್ಗೆ , ವರ್ಗಾವಣೆ ಸೇರಿ ಹಲವು ವಿಷಯಗಳ ಬಗ್ಗೆ ಚರ್ಚಿಸಲಾಗುವುದು ಎನ್ನಲಾಗಿದೆ.

ಅಲ್ಲದೇ ಜೂನ್ ತಿಂಗಳು ಪ್ರಾರಂಭವಾಗುತ್ತಿರುವ ಕಾರಣ  ಶಾಲಾ-ಕಾಲೇಜು ಆರಂಭಿಸುವ ಕುರಿತು ಚರ್ಚೆ ನಡೆಸು ಸಾಧ್ಯತೆ ಇದೆ, ಹಾಗೇ ಮಳೆ ಶುರುವಾಗಿದ್ದರಿಂದ  ರೈತರಿಗೆ ವ್ಯವಸಾಯ ಮಾಡಲು ಬೀಜ, ಗೊಬ್ಬರ ನೀಡುವ ವಿಚಾರದ ಬಗ್ಗೆ ಚರ್ಚಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.