ಅನಿಷ್ಠವೆಂದು ಕಿರುಕುಳ ನೀಡುತ್ತಿದ್ದ ಅತ್ತೆ: ಸೊಸೆ ಆತ್ಮಹತ್ಯೆ
ಭಾನುವಾರ, 5 ಜೂನ್ 2022 (09:50 IST)
ಬೆಂಗಳೂರು: ಅನಿಷ್ಠವೆಂದು ಜರೆದಿದ್ದಲ್ಲದೆ, ಪ್ರತಿನಿತ್ಯ ಕಿರುಕುಳ ನೀಡುತ್ತಿದ್ದ ಅತ್ತೆಯಿಂದಾಗಿ ಸೊಸೆ ಆತ್ಮಹತ್ಯೆ ಮಾಡಿಕೊಂಡ ಘಟನೆ ನೆಲಮಂಗಲದಲ್ಲಿ ನಡೆದಿದೆ.
ಮದುವೆಯಾದ ಬಳಿಕ ಎಲ್ಲವೂ ಚೆನ್ನಾಗಿತ್ತು. ಆದರೆ ಆರು ತಿಂಗಳ ಅವಧಿಯಲ್ಲಿ ಒಂದು ಮಗು ಸಾವನ್ನಪ್ಪಿದ್ದಲ್ಲದೆ ಇನ್ನೊಮ್ಮೆ ಅಬಾರ್ಷನ್ ಆಗಿತ್ತು. ಇದರಿಂದಾಗಿ ಅತ್ತೆ ಸದಾ ಸೊಸೆಗೆ ಅನಿಷ್ಠವೆಂದು ಹೀಯಾಳಿಸುತ್ತಿದ್ದಳು. ಅಲ್ಲದೆ, ವರದಕ್ಷಿಣೆ ಕಿರುಕುಳವನ್ನೂ ನೀಡುತ್ತಿದ್ದಳು ಎನ್ನಲಾಗಿದೆ. ಬೇರೆ ಮನೆ ಮಾಡಿದರೆ ಅಲ್ಲಿಯೂ ಕಾಟ ಮುಂದುವರಿದಿತ್ತು.
ಹೀಗಾಗಿ ಮನನೊಂದ ಸೊಸೆ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಇದೀಗ ಅತ್ತೆ, ಪತಿ ಹಾಗೂ ಮನೆಯವರ ವಿರುದ್ಧ ಮಹಿಳೆಯ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದು, ಆರೋಪಿಗಳನ್ನು ವಶಕ್ಕೆ ಪಡೆಯಲಾಗಿದೆ.
