ಹುಡುಗಿಯೊಬ್ಬಳ ಜೊತೆ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಕಾಣಿಸಿಕೊಂಡಿರುವ ಫೋಟೋವೊಂದು ಇನ್`ಸ್ಟಾಗ್ರಾಮ್`ನಲ್ಲಿ ಭಾರೀ ಸುದ್ದಿ ಮಾಡುತ್ತಿದೆ. ಹಲವು ಊಹಾಪೋಹಗಳಿಗೆ ಇಂಬು ನೀಡುತ್ತಿದೆ.
ಹೌದು, ಸ್ಪ್ಯಾನಿಷ್-ಆಸ್ಟ್ರೇಲಿಯನ್ ನಟಿ ನಥಾಲಿಯಾ ರಾಮೋಸ್ ಇನ್`ಸ್ಟಾಗ್ರಾಮ್`ನಲ್ಲಿ ಜೊತೆಗಿರುವ ಫೋಟೋ ಅಪ್ಲೋಡ್ ಮಾಡಿದ್ದಾರೆ. ಕಳೆದ ರಾತ್ರಿ ರಾಹುಲ್ ಗಾಂಧಿ ಅವರನ್ನ ಭೇಟಿಯಾದೆ. ಇದು ನನ್ನ ಜೀವನದ ಅವಿಸ್ಮರಣೀಯ ಕ್ಷಣ ಎಂದು ಪೋಸ್ಟ್ ಮಾಡಿದ್ದು, ವದಂತಿಗಳಿಗೆ ಎಡೆ ಮಾಡಿದೆ. ಈ ಬಗ್ಗೆ ಟ್ವಿಟ್ಟರ್`ನಲ್ಲಿ ಪ್ರತಿಕ್ರಿಯೆಗಳು ಬಂದಿದ್ದು, ನಿಮಗೆ ಮುಂದಿನ ಭಾರತದ ಪ್ರಧಾನಿಯಾಗುವ ಕನಸು ಕಾಣುವ ಹಕ್ಕಿದೆ ಎಂದು ಕೆಲವರು ವ್ಯಂಗ್ಯವಾಡಿದ್ದಾರೆ.
ಯಾರು ಈ ನಥಾಲಿಯಾ..?: ನಥಾಲಿಯಾ ನೊರಹ್ ರಾಮೊಸ್ ಸ್ಪ್ಯಾನಿಷ್-ಆಸ್ಟ್ರೇಲಿಯನ್ ನಟಿ. ಅಮೆರಿಕ ನಾಗರೀಕತ್ವ ಪಡೆದಿರುವ ಈಕೆ 2007ರಲ್ಲಿ ಬ್ರಾಟ್ಜ್ ಚಿತ್ರದಲ್ಲಿ ನಿರ್ವಹಿಸಿದ್ದ ಯಾಸ್ಮಿನ್ ಪಾತ್ರ ಭಾರೀ ಸುದ್ದಿ ಮಾಡಿತ್ತು. ಇದರ ಜೊತೆಗೆ ಕೆಲ ಟೆಲಿವಿಜನ್ ಕಾರ್ಯಕ್ರಮಗಳಲ್ಲೂ ನಥಾಲಿಯಾ ಹೆಸರು ಮಾಡಿದ್ದಾರೆ. ನಥಾಲಿಯಾ ತಾಯಿ ಆಸ್ಟ್ರೇಲಿಯಾದವರಾಗಿದ್ದು, ತಂದೆ ಸ್ಪ್ಯಾನಿಷ್ ಪಾಪ್ ಸಿಂಗರ್.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
