ಕೋಲ್ಕತ್ತಾ: ಆರ್ ಜಿ ಕರ್ ಆಸ್ಪತ್ರೆಯಲ್ಲಿ ಟ್ರೈನಿ ವೈದ್ಯೆಯನ್ನು ರೇಪ್ ಮಾಡಿ ಹತ್ಯೆ ಮಾಡಿದ ಆರೋಪದಲ್ಲಿ ಬಂಧಿತನಾಗಿರುವ ಸಂಜಯ್ ರಾಯ್ ಜೊತೆಗೆ ನಿಮಗೆ ನಂಟಿದೆಯಾ ಎಂದು ಕೇಳಿದ್ದಕ್ಕೆ ಕೋಲ್ಕತ್ತಾ ಎಎಸ್ಐ ಅನೂಪ್ ದತ್ತಾ ಎದ್ನೋ ಬಿದ್ನೋ ಎಂದು ಓಡುತ್ತಿರುವ ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಆರೋಪಿ ಸಂಜಯ್ ರಾಯ್ ಜೊತೆ ನಿಕಟ ಸಂಪರ್ಕ ಹೊಂದಿರುವ ಆಪಾದನೆ ಎಎಸ್ಐ ಅನೂಪ್ ದತ್ತಾ ಮೇಲಿದೆ. ಈ ಸಂಬಂಧ ಅವರನ್ನು ಸಿಬಿಐ ತನಿಖೆಗೊಳಪಡಿಸಿದೆ. ತನಿಖೆಗೆ ಹಾಜರಾಗಲು ಬಂದಾಗ ಮಾಧ್ಯಮಗಳು ಅವರನ್ನು ಮುತ್ತಿಕೊಂಡಿದ್ದು, ನಿಮಗೂ ಸಂಜಯ್ ರಾಯ್ ಗೂ ಸಂಬಂಧವಿದೆಯಾ ಎಂದು ಕೇಳಿದ್ದಾರೆ.
ಆದರೆ ಪತ್ರಕರ್ತರು ತಮ್ಮ ಎದುರು ಮೈಕ್ ಹಿಡಿಯುತ್ತಿದ್ದಂತೇ ಅನೂಪ್ ದತ್ತಾ ಓಡಿ ಹೋಗಿದ್ದಾರೆ. ಓಡುತ್ತಲೇ ಕಚೇರಿಯೊಳಗೆ ಅಡಗಿಕೊಂಡಿದ್ದಾರೆ. ಸಂಜಯ್ ರಾಯ್ ಮೊದಲು ಕೋಲ್ಕತ್ತಾ ಪೊಲೀಸರ ವಿಪತ್ತು ದಳದ ಸ್ವಯಂ ಸೇವಕನಾಗಿದ್ದ. ಬಳಿಕ ಆತನನ್ನು ಪೊಲೀಸ್ ವೆಲ್ ಫೇರ್ ವಿಭಾಗಕ್ಕೆ ವರ್ಗಾಯಿಸಲಾಗಿತ್ತು.
ಹೀಗಾಗಿ ಸಂಜಯ್ ಯಾವಾಗಲೂ ತಾನು ಪೊಲೀಸ್ ಅಧಿಕಾರಿ ಎಂಬಂತೆ ಪೋಸ್ ಕೊಡುತ್ತಿದ್ದ. ಕೋಲ್ಕತ್ತಾ ಪೊಲೀಸ್ ಎಂಬ ಟ್ಯಾಗ್ ಇದ್ದ ಟಿ-ಶರ್ಟ್ ಧರಿಸುತ್ತಿದ್ದ. ಆತನ ಬೈಕ್ ನಲ್ಲೂ ಪೊಲೀಸ್ ಎಂದು ಹಾಕಿಸಿಕೊಂಡಿದ್ದ. ಇದರಿಂದಾಗಿ ಎಲ್ಲರೂ ಆತನನ್ನು ಪೊಲೀಸ್ ಅಧಿಕಾರಿ ಎಂದುಕೊಂಡಿದ್ದರು. ಈ ಕಾರಣಕ್ಕೆ ಆರ್ ಜಿ ಕರ್ ಆಸ್ಪತ್ರೆಯಲ್ಲಿ ಎಲ್ಲಿ ಬೇಕೆಂದರಲ್ಲಿ ಓಡಾಡುತ್ತಿದ್ದ.
Watch Kolkata Police ASI Anup Dutta sprinting away when a journalist questioned his closeness with the RG Kar case accused Sanjay Roy. pic.twitter.com/urUJZJDhNb
