ನಕಲಿ ನೋಟು ಕೊಟ್ಟು 2 ಲಕ್ಷ ರೂ. ಆಭರಣ ಎಗರಿಸಿದ ದಂಪತಿ

ಲುಥಿಯಾನ: 2 ಲಕ್ಷ ರೂ. ಮೊತ್ತದ ನಕಲಿ ನೋಟು ಕೊಟ್ಟು ದಂಪತಿ ಜ್ಯುವೆಲ್ಲರಿ ಮಾಲಿಕನಿಗೆ ಮೋಸ ಮಾಡಿ ಆಭರಣ ಖರೀದಿಸಿದ ಘಟನೆ ನಡೆದಿದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಎಂದು ಬರೆಯುವ ಜಾಗದಲ್ಲಿ ಎಂಟರ್ ಟೈನ್ ಮೆಂಟ್ ‍ಬ್ಯಾಂಕ್ ಆಫ್ ಇಂಡಿಯಾ ಎಂದು ಬರೆದಿದ್ದ 500 ರೂ.ಗಳ 2 ಲಕ್ಷ ಮೌಲ್ಯದ ನೋಟು ನೀಡಿದ ದಂಪತಿ ಸುಮಾರು 1,90,000 ರೂ. ಮೌಲ್ಯದ 56 ಗ್ರಾಂ ಚಿನ್ನಾಭರಣ ಖರೀದಿ ಮಾಡಿದ್ದರು.

ದಂಪತಿ ಅಂಗಡಿಯಿಂದ ತೆರಳಿದ ಮೇಲಷ್ಟೇ ಮಾಲಿಕ ನೋಟನ್ನು ಪರಿಶೀಲಿಸಿದ್ದಾನೆ. ಪೊಲೀಸರು ಇದೀಗ ಸಿಸಿಟಿವಿ ಫೂಟೇಜ್ ಗಳನ್ನು ಪರಿಶೀಲಿಸಿ ದಂಪತಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.