ಕೊರೋನಾ ಹರಡಬಹುದೆಂಬ ಭಯಕ್ಕೆ ವೈದ್ಯೆಯ ಮೇಲೆ ಹಲ್ಲೆ

ಸೂರತ್: ಕೊರೋನಾ ಕೆಲವರಲ್ಲಿ ಮನುಷ್ಯತ್ವವೇ ಇಲ್ಲದಂತೆ ಮಾಡಿದೆ ಎಂದರೂ ತಪ್ಪಿಲ್ಲ. ಸೂರತ್ ನಲ್ಲಿ ನೆರೆಮನೆಯಾತನೊಬ್ಬ ವೈದ್ಯೆಯ ಮೇಲೆ ಹಲ್ಲೆ ನಡೆಸಿದ ಘಟನೆ ನಡೆದಿದೆ.

ಸೂರತ್ ನ ಸಿವಿಲ್ ಹಾಸ್ಪಿಟಲ್ ನಲ್ಲಿ ಕೊರೋನಾ ರೋಗಿಗಳ ಸೇವೆಯಲ್ಲಿ ತೊಡಗಿರುವ ವೈದ್ಯೆಗೆ ನೆರೆಮನೆಯಾತ ಈಕೆಯೂ ಕೊರೋನಾ ಹರಡಬಹುದೆಂಬ ಭಯದಲ್ಲಿ ದೈಹಿಕವಾಗಿ ಹಲ್ಲೆ ನಡೆಸಿದ್ದಾನೆ.

ವಿಪರ್ಯಾಸವೆಂದರೆ ಹಲವರು ಈ ಘಟನೆಗೆ ಮೂಕ ಸಾಕ್ಷಿಗಳಾಗಿದ್ದರೇ ಹೊರತು ಯಾರೂ ಆ ವೈದ್ಯೆಯನ್ನು ಆತನಿಂದ ರಕ್ಷಿಸಲು ಬರಲಿಲ್ಲ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.