ಆಫೀಸ್ ಮೀಟಿಂಗ್ ನಡುವೆ ಪ್ಲೇ ಆಯ್ತು ಪೋರ್ನ್ ವಿಡಿಯೋ! ಮುಂದೇನಾಯ್ತು ನೋಡಿ!

ಜೈಪುರ: ಸರ್ಕಾರಿ ಮೀಟಿಂಗ್ ಎಂದರೆ ಎಷ್ಟು ಗಂಭೀರವಾಗಿರುತ್ತದೆ ಎಂದು ಎಲ್ಲರಿಗೂ ಗೊತ್ತೇ ಇದೆ. ಆದರೆ ರಾಜಸ್ಥಾನದಲ್ಲಿ ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆಯ ಮೀಟಿಂಗ್ ನಲ್ಲಿ ಪೋರ್ನ್ ವಿಡಿಯೋ ಪ್ಲೇ ಆಗಿ ನೆರೆದಿದ್ದವರು ಕಕ್ಕಾಬಿಕ್ಕಿಯಾಗುವಂತೆ ಮಾಡಿದೆ.

ಸಚಿವಾಲಯದಲ್ಲಿ ಇಲಾಖೆಯ ಕಾರ್ಯದರ್ಶಿ ನೇತೃತ್ವದಲ್ಲಿ ಸಭೆ ನಡೆಯುತ್ತಿತ್ತು. ಅಧಿಕಾರಿಗಳೊಂದಿಗೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ಸಭೆ ನಡೆಸಲಾಗುತ್ತಿತ್ತು. ಆದರೆ ಇದರ ಮಧ್ಯೆ ಅಶ್ಲೀಲ ಸಿನಿಮಾದ ಕ್ಲಿಪ್ ಒಂದು ಪ್ರಸಾರವಾಗಲು ತೊಡಗಿದ್ದು, ನೆರೆದಿದ್ದವರು ಅವಾಕ್ಕಾದರು.  ಈ ಬಗ್ಗೆ ಇದೀಗ ಕಾರ್ಯದರ್ಶಿಗಳು ತನಿಖೆಗೆ ಆದೇಶಿಸಿದ್ದಾರೆ ಎನ್ನಲಾಗಿದೆ.