50 ವರ್ಷದೊಳಗಿನ ಮಹಿಳೆ ಶಬರಿಮಲೆ ಪ್ರವೇಶಿಸಿದ ವದಂತಿ
50 ವರ್ಷದೊಳಗಿನ ತಮಿಳುನಾಡು ಮೂಲದ ಮಹಿಳೆಯೊಬ್ಬಳು ವಯಸ್ಸಿನ ಬಗ್ಗೆ ಸುಳ್ಳು ಹೇಳಿ ದೇವಾಲಯ ಪ್ರವೇಶಿಸಿದ್ದಾರೆಂಬ ವದಂತಿ ಹರಡಿ ಕೆಲವು ಕಾಲ ಶಬರಿಮಲೆಯಲ್ಲಿ ಗೊಂದಲದ ವಾತಾವರಣ ಸೃಷ್ಟಿಯಾಯಿತು.
ತಿರುಚಿಯ ಲತಾ ಎಂಬವರು ದೇವಾಲಯ ಪ್ರವೇಶಿಸಲು ತನ್ನ ಕುಟುಂಬ ಸಮೇತ ಬಂದಿದ್ದಾಗ ಪ್ರತಿಭಟನಾಕಾರರು ಆಕೆಯನ್ನು ತಡೆದರು. ಬಳಿಕ ಆಕೆ ಐಡಿ ಕಾರ್ಡ್ ತೋರಿಸಿ ತನ್ನ ವಯಸ್ಸು 52 ಎಂದು ದೃಢೀಕರಿಸಿದ ಮೇಲೆ ಆಕೆಯನ್ನು ದೇವಾಲಯ ಪ್ರವೇಶಿಸಲು ಅನುವು ಮಾಡಿಕೊಡಲಾಯಿತು. ಇದರಿಂದಾಗಿ ಕೆಲವು ಕಾಲ ಉದ್ವಿಗ್ನ ಸ್ಥಿತಿ ನಿರ್ಮಾಣವಾಗಿ ಸೆಕ್ಷನ್ 144 ಜಾರಿಗೊಳಿಸಲಾಯಿತು.
