ದೀಪಾವಳಿ ಹಬ್ಬಕ್ಕೆ ಸುಲಭವಾಗಿ ತಯಾರಿಸಿ ಹೆಸರಿಟ್ಟಿನ ಉಂಡೆ.!

ಬೇಕಾಗುವ ಸಾಮಗ್ರಿಗಳು

1 ಕಪ್ ಹೆಸರು ಬೆಳೆ

1/2 ಕಪ್ ಸಕ್ಕರೆ

1/4 ಕಪ್ ತುಪ್ಪ

8-10 ಗೋಡಂಬಿ

ಮಾಡುವ ವಿಧಾನ

* ಒಂದು ಚಮಚ ತುಪ್ಪದಲ್ಲಿ ಗೋಡಂಬಿಯನ್ನು ಹುರಿದಿಟ್ಟುಕೊಳ್ಳಿ.

* ದಪ್ಪತಳದ ಪಾತ್ರೆಯಲ್ಲಿ ಹೆಸರು ಬೆಳೆಯನ್ನು ಹಾಕಿ ಮಧ್ಯಮ ಉರಿಯಲ್ಲಿ ಕಂದು ಬಣ್ಣಕ್ಕೆ ಬರುವವರೆಗೆ ಚೆನ್ನಾಗಿ ಹುರಿದಿಟ್ಟುಕೊಳ್ಳಿ.

* ಹುರಿದ ಹೆಸರು ಬೆಳೆಯನ್ನು ತಣ್ಣಗಾಗಿಸಿ, ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ಪುಡಿಮಾಡಿಕೊಳ್ಳಿ.

* ಸಕ್ಕರೆಯನ್ನು ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ಪುಡಿಮಾಡಿಕೊಳ್ಳಿ.

* ಪುಡಿಮಾಡಿದ ಹೆಸರು ಬೆಳೆ ಮತ್ತು ಸಕ್ಕರೆಯನ್ನು ಜರಡಿಗೆ ಹಾಕಿ, ಸರಿಯಾಗಿ ಪುಡಿಯಾಗದ ಹೆಸರು ಬೆಳೆ ಮತ್ತು ಸಕ್ಕರೆಯನ್ನು ಮತ್ತೆ ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ಪುಡಿಮಾಡಿಕೊಳ್ಳಿ.

* ನಂತರ ಪುಡಿಮಾಡಿದ ಹೆಸರು ಬೆಳೆ ಮತ್ತು ಸಕ್ಕರೆಗೆ ತುಪ್ಪದಲ್ಲಿ ಹುರಿದ ಗೋಡಂಬಿ ಮತ್ತು 1/4 ಕಪ್ ತುಪ್ಪವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ, ಉಂಡೆಯನ್ನು ಕಟ್ಟಿ.

* ಸುಲಭವಾಗಿ ತಯಾರಿಸಿದ ರುಚಿಕರ ಹಾಗೂ ಆರೋಗ್ಯಕರ ಹೆಸರಿಟ್ಟಿನ ಉಂಡೆ ಸವಿಯಲು ಸಿದ್ಧ.!