ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 68ಕ್ಕೆ ಆಲೌಟಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್ ಇತಿಹಾಸದಲ್ಲಿ 5ನೇ ಕಳಪೆ ಮೊತ್ತಕ್ಕೆ ಪತನಗೊಂಡ ದಾಖಲೆ ಬರೆಯಿತು.
ಮಧ್ಯಮ ವೇಗಿ ಮಾರ್ಕೊ ಜಾನ್ಸೆನ್ ಮತ್ತು ಸ್ಪಿನ್ನರ್ ನಟರಾಜನ್ ಮಾರಕ ದಾಳಿಗೆ ತತ್ತರಿಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್ ಟಿ-20 ಪಂದ್ಯದಲ್ಲಿ 68 ರನ್ ಗೆ ಆಲೌಟಾಗಿದೆ.
ಕಾಕತಾಳೀಯ ಅಂದರೆ ಆರ್ ಸಿಬಿ ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧ 49 ರನ್ ಗೆ ಆಲೌಟಾಗಿ ಕಳಪೆ ದಾಖಲೆ ಬರೆದ ಬರೋಬ್ಬರಿ 5ನೇ ವರ್ಷಕ್ಕೆ ಮತ್ತೊಮ್ಮೆ ಕಳಪೆ ಮೊತ್ತಕ್ಕೆ ಔಟಾದ ದಾಖಲೆ ಬರೆದಿದೆ.
ಈ ಬಾರಿ ಅತ್ಯಂತ ಸಮತೋಲಿತ ತಂಡ ಎಂಬ ಹೆಗ್ಗಳಿಕೆ ಪಡೆದಿದ್ದ ಆರ್ ಸಿಬಿ ತಂಡದ ಪರ ಒಬ್ಬ ಬ್ಯಾಟ್ಸ್ ಮನ್ ಕೂಡ ನಿಂತು ಆಡಲಿಲ್ಲ. ವಿರಾಟ್ ಕೊಹ್ಲಿ ಸತತ 2ನೇ ಬಾರಿ ಈ ಬಾರಿ ಶೂನ್ಯಕ್ಕೆ ಔಟಾದರೆ, ಫಾಫ್ ಡು ಪ್ಲೆಸಿಸ್, ಗ್ಲೆನ್ ಮ್ಯಾಕ್ಸ್ ವೆಲ್, ದಿನೇಶ್ ಕಾರ್ತಿಕ್ ರನ್ ಗಳಿಸಲು ಪರಾಡಿ ಅಲ್ಪ ಮೊತ್ತಕ್ಕೆ ನಿರ್ಗಮಿಸಿದರು.
