ಮಾಜಿ ವಿಶ್ವ ಕಪ್ ವಿಜೇತ ತಂಡದ ಆಟಗಾರ ಮತ್ತು ರಾಷ್ಟ್ರೀಯ ಕೋಚ್ ಡೀಗೊ ಮರಡೋನಾ, ಅರ್ಜೆಂಟೀನಾ ಫುಟ್ಬಾಲ್ ಬಿಕ್ಕನ್ನು ಬಗೆಹರಿಸಲು ತಮ್ಮ ಬಳಿ ಯಾವುದೇ ಮಂತ್ರದಂಡವಿಲ್ಲ ಎಂದು ಹೇಳಿದ್ದಾರೆ. ಆದರೆ ಸ್ಥಗಿತಗೊಂಡ ಮಾತುಕತೆ ಪುನಾರಂಭಕ್ಕೆ ನೆರವಾಗುವುದಾಗಿ ಮರಡೋನಾ ಭರವಸೆ ನೀಡಿದರು.
ನಾನು ಹೊಸ ಮಾದರಿಯನ್ನು ವಿರೋಧಿಸುವುದಿಲ್ಲ ಎಂದು ಅರ್ಜೆಂಟೈನಾ 1986 ವಿಶ್ವಕಪ್ ಗೆಲುವಿನ ರೂವಾರಿ 55 ವರ್ಷದ ಮರಡೋನಾ ಹೇಳಿದರು. ನನ್ನ ಬಳಿ ಮಂತ್ರದಂಡವಿಲ್ಲ. ನಾವು ಸಾಧಕ, ಬಾಧಕಗಳನ್ನು ಅಳೆಯಬೇಕು. ಅರ್ಜೆಂಟೈನಾ ಫುಟ್ಬಾಲ್ ಪ್ರೀತಿಸುವ ಪ್ರಾಮಾಣಿಕ ಜನರ ಜತೆ ಮಾತನಾಡಬೇಕು ಎಂದು ಮರಡೋನಾ ಹೇಳಿದ್ದಾರೆ.
