ರಾಧಿಕಾ ಪಂಡಿತ್ ಮೆಚ್ಚಿದ್ದ ಪುಟ್ಟಕ್ಕನ ಮಕ್ಕಳು ಹೀರೋ ಧನುಷ್ ಹಿನ್ನಲೆಯೇನು?
ಮಂಗಳವಾರ, 4 ಜುಲೈ 2023 (09:00 IST)
ಬೆಂಗಳೂರು: ಕನ್ನಡ ಕಿರುತೆರೆಯ ನಂ.1 ಧಾರವಾಹಿ ಪುಟ್ಟಕ್ಕನ ಮಕ್ಕಳು ಧಾರವಾಹಿಯ ಹೀರೋ ಕಂಠಿ ಅಲಿಯಾಸ್ ಧನುಷ್ ಕಳೆದ ವಾರದ ಎಪಿಸೋಡ್ ನಲ್ಲಿ ಸಖತ್ ಫೈಟ್ ಮಾಡಿ ಅಭಿಮಾನಿಗಳಿಂದ ಜ್ಯೂನಿಯರ್ ಯಶ್ ಎಂದು ಹೊಗಳಿಸಿಕೊಂಡಿದ್ದರು. ಅವರ ಹಿನ್ನಲೆಯೇನು ನೋಡೋಣ.
ಧನುಷ್ ಉದ್ದನೆಯ ಹೇರ್ ಸ್ಟೈಲ್, ದಾಡಿ, ಮ್ಯಾನರಿಸಂ, ಡೈಲಾಗ್ ಡೆಲಿವರಿ ಮಾಡುವ ಸ್ಟೈಲ್ ನಿಂದ ಅವರನ್ನು ಕಿರುತೆರೆಯ ರಾಕಿಂಗ್ ಸ್ಟಾರ್ ಯಶ್ ಎಂದು ಹಾಡಿಹೊಗಳಿದ್ದಾರೆ. ಈ ಮೊದಲು ಧನುಷ್ ರನ್ನು ಸ್ವತಃ ಯಶ್ ಪತ್ನಿ, ನಟಿ ರಾಧಿಕಾ ಪಂಡಿತ್ ಭೇಟಿ ಮಾಡಿ ಹೊಗಳಿದ್ದರಂತೆ. ಧನುಷ್ ಯಶ್ ರ ಅಪ್ಪಟ ಅಭಿಮಾನಿ ಕೂಡಾ.
ಮೂಲತಃ ಧನುಷ್ ಕೋಲಾರದವರು. ಈಗ ಇನ್ನೂ 29 ವರ್ಷ. ಇಂಜಿನಿಯರಿಂಗ್ ಮುಗಿಸಿದ್ದಾರೆ. ಓದುವಾಗಲೇ ಅಭಿನಯದ ಮೇಲೆ ಒಲವಿತ್ತು. ಕೆಲವು ಆಲ್ಬಂ, ಕಿರು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಆದರೆ ದೊಡ್ಡ ಅವಕಾಶಗಳು ಸಿಗದೇ ಸಾಕಷ್ಟು ಕಷ್ಟಪಟ್ಟಿದ್ದಾರೆ. ಡಿಗ್ರಿ ಮುಗಿಸುತ್ತಿದ್ದಂತೇ ಪುಟ್ಟಕ್ಕನ ಮಕ್ಕಳು ಆಫರ್ ಸಿಕ್ಕಿದೆ. ಈಗ ಕಿರುತೆರೆಯ ಜನಪ್ರಿಯ ಹೀರೋ ಆಗಿರುವ ಧನುಷ್ ಗೆ ಮುಂದೆ ಸಿನಿಮಾದಲ್ಲೂ ಅಭಿನಯಿಸಬೇಕೆಂಬ ಕನಸಿದೆ.
