ಕಣ್ಣಿನ ಸುತ್ತವಿರುವ ಡಾರ್ಕ್ ಸರ್ಕಲ್ ಕಡಿಮೆ ಮಾಡಲು ಇದನ್ನೊಮ್ಮೆ ಪ್ರಯತ್ನಿಸಿ ನೋಡಿ

ಬೆಂಗಳೂರು: ಕಣ್ಣಿನ ಸುತ್ತ ಮೂಡುವ ಈ ಕಪ್ಪು ವರ್ತುಲ ಮುಖದ ಸೌಂದರ್ಯವನ್ನೇ ಹಾಳು ಮಾಡಿ ಬಿಡುತ್ತದೆ. ಹೆಣ್ಣುಮಕ್ಕಳೂ ಮಾತ್ರವಲ್ಲ, ಹುಡುಗರು ಕೂಡ ಈ ಸಮಸ್ಯೆಯನ್ನು ಎದುರಿಸುತ್ತಾರೆ. ಇದಕ್ಕೆ ಕಾರಣವು ಹಲವು ಇದ್ದಿರಬಹುದು. ಪರಿಹಾರ ಇಲ್ಲಿದೆ ನೋಡಿ.

ಬಾದಾಮಿ ಎಣ್ಣೆ: ಮಲಗುವ ಮುನ್ನ ಸ್ವಲ್ಪ ಬಾದಾಮಿ ಎಣ್ಣೆಯನ್ನು ಕಣ್ಣಿನ ಸುತ್ತ ಹಚ್ಚಿ ಸ್ವಲ್ಪ ಮಸಾಜ್​ ಮಾಡಿ. ಬೆಳಿಗ್ಗೆ ಎದ್ದು ಮುಖವನ್ನು ತಂಪಾದ ನೀರಿನಿಂದ ತೊಳೆಯಿರಿ.

ಸೌತೆಕಾಯಿ: ಸೌವತೆಕಾಯಿ ಕತ್ತರಿಸಿ ಅದನ್ನು 10 ನಿಮಿಷಗಳ ಕಾಲ ಕಣ್ಣುಗಳ ಮೇಲೆ ಇಡಿ. ನಂತರ ಸಾಮಾನ್ಯ ನೀರಿನಿಂದ ಮುಖ ತೊಳೆಯಿರಿ. ಈ ವಿಧಾನ ಕೇವಲ ಕಪ್ಪು ಕಲೆ ತೆಗೆಯುವುದಲ್ಲದೇ ಕಣ್ಣಿಗೆ ಆರಾಮವನ್ನೂ ನೀಡುತ್ತದೆ.

ಟೊಮ್ಯಾಟೋ: ಕಪ್ಪು ಕಲೆಗಳಿಗೆ ಟೊಮ್ಯಾಟೋ ಉತ್ತಮ ಪರಿಹಾರ. ಸ್ವಲ್ಪ ಟೊಮ್ಯಾಟೋ ಜ್ಯೂಸ್​ಗೆ ಒಂದು ಚಮಚ ನಿಂಬೆ ರಸವನ್ನು ಸೇರಿಸಿ ಕಣ್ಣಿನ ಸುತ್ತ ಹಚ್ಚಿ. 10 ನಿಮಿಷದ ನಂತರ ನೀರಿನಿಂದ ತೊಳೆಯಿರಿ. ಇದನ್ನು ದಿನಕ್ಕೆ 2 ಬಾರಿ ಆದರೂ ಮಾಡಿ.

ಬಟಾಟೆ: ಒಂದು ಅಥವಾ 2 ಬಟಾಟೆಯನ್ನು ತುರಿದು ಅದರ ರಸ ತೆಗೆದು ಕಣ್ಣಿನ ಸುತ್ತ ಹಚ್ಚಿಕೊಳ್ಳಿ. ಹತ್ತು ನಿಮಿಷದ ನಂತರ ನೀರಿನಿಂದ ತೊಳೆಯಿರಿ. ಇದನ್ನು ದಿನಕ್ಕೆ 2 ಬಾರಿಯಂತೆ ಮಾಡುತ್ತಾ ಬಂದರೆ ಕಲೆ ನಿವಾರಣೆಯಾಗುತ್ತದೆ.

ರೋಸ್​ ವಾಟರ್​: ರೋಸ್​ ವಾಟರ್​ ಸ್ಕಿನ್​ ಟೋನರ್​ ಆಗಿ ಕೆಲಸ ಮಾಡುತ್ತದೆ. ಹತ್ತಿಯನ್ನು ರೋಸ್​ ವಾಟರ್​ನಲ್ಲಿ ಅದ್ದಿ, ಕಣ್ಣಿನ ಮೇಲೆ ಇಡಿ. ಪ್ರತಿನಿತ್ಯ ಎರಡು ಬಾರಿ ಹೀಗೆ ಮಾಡುವುದರಿಂದ ಕಪ್ಪು ಕಲೆ ಮಾಯವಾಗುತ್ತದೆ. 

ಕಿತ್ತಳೆ ರಸ: ಕಿತ್ತಳೆ ರಸಕ್ಕೆ, ಒಂದೆರಡು ಹನಿ ಗ್ಲಿಸರಿನ್​ ಸೇರಿಸಿ ಕಣ್ಣಿನ ಸುತ್ತ ಹಚ್ಚಿ. ಇದು ಕಪ್ಪು ಕಲೆ ನಿವಾರಿಸುವುದಲ್ಲದೆ, ಕಣ್ಣಿನ ಸುತ್ತ ನೈಸರ್ಗಿಕವಾಗಿಯೇ ಕಾಂತಿ ನೀಡುತ್ತದೆ.