ಏಕ್ ಲಡ್ಕಿ ಕೋ ದೇಖಾ ತೋಹ್ ಐಸಾ ಲಗಾ ಬಾಲಿವುಡ್ ಚಿತ್ರ ಇಬ್ಬರು ಮಹಿಳೆಯರ ನಡುವಿನ ಸಲಿಂಗಕಾಮಿ ಸಂಬಂಧದ ಮೇಲೆ ಮಾಡಿದ ನಂತರ, ಸಲಿಂಗಕಾಮಿ ಲೈಂಗಿಕ ಪ್ರೀತಿಯ ಮತ್ತೊಂದು ಚಿತ್ರ ತಯಾರಿಕೆಯಲ್ಲಿದೆ. ಶೀರ್ ಖುರ್ಮಾ ಹೆಸರಿನ ಈ ಚಿತ್ರದಲ್ಲಿ ಸ್ವರಾ ಭಾಸ್ಕರ್ ಮತ್ತು ದಿವ್ಯಾ ದತ್ತಾ ದಂಪತಿಗಳಾಗಿ ನಟಿಸಲಿದ್ದಾರೆ. ಇದನ್ನು ಫರಾಜ್ ಆರಿಫ್ ಅನ್ಸಾರಿ ನಿರ್ದೇಶಿಸಲಿದ್ದು, ಹಿರಿಯ ನಟಿ ಸುರೇಖಾ ಸಿಕ್ರಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಪಾತ್ರವರ್ಗದ ಬಗ್ಗೆ ಮಾತನಾಡಿದ ಫರಾಜ್, "ದಿವ್ಯಾ ಮತ್ತು ಸ್ವರಾ ಬಾಲಿವುಡ್‌ನಲ್ಲಿ ತಮ್ಮದೇ ಆದ ಖ್ಯಾತಿಯನ್ನು ಹೊಂದಿದ್ದಾರೆ. ಎಲ್ಜಿಬಿಟಿಕ್ಯೂಎ ಚಿತ್ರದಲ್ಲಿ ಈಗಾಗಲೇ ಸ್ವರಾಭಾಸ್ಕರ್ ನಟಿಸಿದ್ದರಿಂದ ಅವರನ್ನು ಸಂಪರ್ಕಿಸುವುದು ಅಗತ್ಯವಾಗಿತ್ತು. ವಾಸ್ತವವಾಗಿ, ನಾನು ಚಿತ್ರ ಬರೆಯಲು ಪ್ರಾರಂಭಿಸಿದಾಗ, ನನ್ನ ಮನಸ್ಸಿನಲ್ಲಿ ದಿವ್ಯಾ ದತ್ತಾ ಮತ್ತು ಸ್ವರಾಭಾಸ್ಕರ್ ಅವರಿದ್ದರು. ಅವರು ಈಗಾಗಲೇ ಇಂತಹ ಚಿತ್ರಗಳಲ್ಲಿ ನಟಿಸಿದ್ದರಿಂದ ನಿರ್ದೇಶಿಸಲು ಸುಲಭವಾಗಿತ್ತು ಎಂದಿದ್ದಾರೆ.
