ಭಾರತ-ಇಂಗ್ಲೆಂಡ್ ಪಂದ್ಯ ನಡೆಯುವಾಗಲೇ ಲವ್ ಪ್ರಪೋಸ್ ಮಾಡಿದ!
ಭಾನುವಾರ, 15 ಜುಲೈ 2018 (10:36 IST)
ಲಾರ್ಡ್ಸ್: ಭಾರತ ಮತ್ತು ಇಂಗ್ಲೆಂಡ್ ನಡುವೆ ನಡೆದ ದ್ವಿತೀಯ ಏಕದಿನ ಪಂದ್ಯ ಕ್ರಿಕೆಟ್ ಅಲ್ಲದೆ, ಬೇರೆ ಕಾರಣಕ್ಕಾಗಿ ಗಮನ ಸೆಳೆಯಿತು.
ಒಂದೆಡೆ ಮೈದಾನದಲ್ಲಿ ಕ್ರಿಕೆಟಿಗರು ಅಬ್ಬರಿಸುತ್ತಿದ್ದರೆ ಇತ್ತ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕೂತಿದ್ದ ಯುವಕನೋರ್ವ ತನ್ನ ಪ್ರಿಯತಮೆಗೆ ಗ್ಯಾಲರಿಯಲ್ಲೇ ಲವ್ ಪ್ರಪೋಸ್ ಮಾಡಿದ್ದು ಎಲ್ಲರ ಗಮನ ಸೆಳೆಯಿತು.
ಕ್ರಿಕೆಟಿಗರಿಗೆ ಅಭಿಮಾನಿಗಳು ಗ್ಯಾಲರಿಯಲ್ಲಿ ಕುಳಿತು ಸಿಹಿ ಮುತ್ತು ನೀಡಿದ್ದು, ಲವ್ ಮಾಡುತ್ತೇನೆಂದು ಬ್ಯಾನರ್ ಹಿಡಿದು ಕೂತಿದ್ದು ಎಲ್ಲಾ ನೋಡಿದ್ದೇವೆ. ಆದರೆ ಈ ಪಂದ್ಯದಲ್ಲಿ ಪ್ರೇಮಿಗಳಿಬ್ಬರೂ ತಮ್ಮ ಪ್ರೇಮ ನಿವೇದನೆಗೆ ಕ್ರಿಕೆಟ್ ಪಂದ್ಯವನ್ನು ಆರಿಸಿಕೊಂಡಿದ್ದು ವಿಶೇಷವಾಗಿತ್ತು.
ಯುವಕನೋರ್ವ ತನ್ನ ಪ್ರಿಯತಮೆಗೆ ಮಂಡಿಯೂರಿ ಕುಳಿತು ಪ್ರೇಮ ನಿವೇದನೆ ಮಾಡಿದ ಉಂಗುರವನ್ನೂ ತೊಡಿಸಿದ್ದಾನೆ. ಯುವತಿಯೂ ನಗು ನಗುತ್ತಲೇ ಇದನ್ನು ಸ್ವೀಕರಿಸಿದ್ದಾಳೆ. ಪಕ್ಕದಲ್ಲಿ ಕೂತಿದ್ದ ಪ್ರೇಕ್ಷಕರು ಚಪ್ಪಾಳೆ ತಟ್ಟಿ ಆನಂದಿಸಿದ್ದಾರೆ. ಈ ವಿಡಿಯೋಗಳು ಇದೀಗ ಟ್ವಿಟರ್ ನಲ್ಲಿ ಹರಿದಾಡುತ್ತಿದ್ದು ಭಾರೀ ವೈರಲ್ ಆಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
