ಐಪಿಎಲ್ ಗಾಗಿ ರದ್ದು ಮಾಡಲ್ಲ, ಏಷ್ಯಾ ಕಪ್ ನಿಗದಿತ ಸಮಯಕ್ಕೇ ಮಾಡ್ತೀವಿ ಎಂದ ಪಾಕ್ ಕ್ರಿಕೆಟ್ ಮಂಡಳಿ

ದುಬೈ: ಇದೇ ಬರುವ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ನಲ್ಲಿ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿ ನಡೆಸುವುದು ಖಚಿತ. ಐಪಿಎಲ್ ಗಾಗಿ ಇದನ್ನು ರದ್ದು ಮಾಡುತ್ತಿಲ್ಲ ಎಂದು ಈ ಬಾರಿಯ ಆಯೋಜಕ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಸ್ಪಷ್ಟಪಡಿಸಿದೆ.

ಈ ವರ್ಷ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ಅವಧಿಯಲ್ಲಿ ಶ್ರೀಲಂಕಾ ಅಥವಾ ಯುಎಇಯಲ್ಲಿ ಏಷ್ಯಾ ಕಪ್ ನಡೆಸುವುದು ಖಚಿತ ಎಂದು ಪಿಸಿಬಿ ಹೇಳಿದೆ.

ಈ ವೇಳೆಗೆ ಪಾಕ್ ಕ್ರಿಕೆಟ್ ತಂಡವೂ ಇಂಗ್ಲೆಂಡ್ ಪ್ರವಾಸ ಮುಗಿಸಿ ತವರಿಗೆ ಮರಳಿದೆ. ಅದಾದ ಬಳಿಕ ಏಷ್ಯಾ ಕಪ್ ಟೂರ್ನಿ ನಡೆಸಲಾಗುವುದು. ಟೂರ್ನಿ ಮುಂದೂಡಿಕೆ ಮಾಡಿ ಆ ಸಮಯದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಆಯೋಜಿಸಲು ಅವಕಾಶ ನೀಡಲ್ಲ ಎಂದು ಪಿಸಿಬಿ ಹೇಳಿದೆ.